Offres
API
Connexion
Documents similaires
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse
Document publié le Mercredi 29 octobre 2025
Lien du pdf (unknown - Communauté de communes - Centre Corse)
Thèmes du document : Affaires étrangères et coopération, Exploration spatiale, Union Européenne,
2DA SESSIONE URDINARIA DI U 2025
RIUNIONE DI I 30 È 31 D’OTTOBRE DI U 2025
2ÈME SESSION ORDINAIRE DE 2025
RÉUNION DES 30 ET 31 OCTOBRE 2025
N° 2025/O2/068
Question orale déposée par Mme Marie-Claude BRANCA
au nom du groupe « Core in Fronte »
OBJET : SPUSTÀ SI IN CORSICA : UN DRITTU PAR TUTTI ?
Sgiò cunsiglieri in carica di i trasporti,
Avemu tutti intesu parlà di ghjovani di u rughjonu di Portivechju scularizzati in Bastia
chì, à u principiu di sittembri, ùn sò stati presi in carica da u traspurtadori è si so
ritrovi soli annant’à sti stradi. Eppuri si sa chì, in u rispettu di l'accordi incù a noscia
cullittività, sò priuritari annant’à l'altri passaghjeri. Qualchi sittimani dopu, in Aiacciu,
in cunfurmità incù st'accordu sò una dicina di parsoni – pà a part'è più parsoni
anziani- chi ùn hani pussutu andà à ritruvà i so famiddi in u rughjonu di Portivechju.
Allora, sapemu chi sò prublemi chi accadini raramenti, sapemu chi l’errori asistini,
sapemu dinò chi monda sforza sò fatti pà parmetta à ogni ghjovanu di pudé suvità a
furmazioni chi l’intaressa è chi ùn asisti micca in u so rughjonu. Ma ci pari chì à u
vintunesimu seculu ugnunu, ghjovanu o anzianu, duvaria avé a pussibulità di sputà
si facilmenti da un cantu da a Corsica à l’altru incù i trasporti pubblichi.
Di fatti tutti ùn hani a pussibilità finanziaria o fisica d’avé una vittura. Di più vi
ramintemu chi in monda loca di Corsica u trenu ùn ci hè. S’hè parlatu, è si ni parla
sempri monda di u trenu fin’à I Fulelli parchì ùn si pudaria rimettalu fin’à Bonifaziu ?
Par quiddi chi ùn campani in sti rughjona hè difficiuli d’imaginà i prublemi pà andà da
un locu à l’altru. Par quiddi chi ci stani hè un sciappacapu chi pò caccià a vulintà di
studià, di circà un travaddu o di curà si. Si sà par esempiu chi a difficultà di spustà si
hè un fattori di precarità pà i studienti di l’Università. In sti rughjona monda hani l’imprissioni d’essa sminticati da Diu … o almenu da a
Culletività.
Sò stati fatti l’inchiesti annant’à i prublemi di mubilità, in u quadru di a riflissioni
annant’à u PADDUC sarà fattu un travaddu annant’à una mubilità durevuli è facilitata
in tutti i rughjoni di Corsica ma pà avali ùn avemu vistu nudda di cuncretu.
Allora sgiò cunsiglieri vi dumandemu :
A curt’andà si tuttu hè statu fattu pà rigulà i prublemi incù l’autobus
À long’andà si vo aveti riflituttu à una manera di facilità i trasporti pubblichi in tutti i
rughjona di Corsica pà parmetta à tutti i citadini d’avé i stessi dritti à l’educazioni, à u
travaddu è à a saluta ?
Vi ringraziemu.