Offres
API
Connexion
Documents similaires
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse - rqo 2025O2
unknown - Communauté de communes - Centre Corse - 2026E3025
unknown - Communauté de communes - Centre Corse - R2023 O1 0
unknown - Communauté de communes - Centre Corse -
unknown - Communauté de communes - Centre Corse - 2022E1008
unknown - Communauté de communes - Centre Corse - RQO 2023 E
unknown - Communauté de communes - Centre Corse - RQO 2023 O
unknown - Communauté de communes - Centre Corse - 2021O233 p
unknown - Communauté de communes - Centre Corse - RQO2026E3025
Document publié le Jeudi 1 janvier 2026
Lien du pdf (unknown - Communauté de communes - Centre Corse - RQO2026E3025)
Thèmes du document : Affaires étrangères et coopération, Mode, textile et habillement, Pêche et métiers de la mer,
2026/E3/025
REPONSE DE MONSIEUR GILLES SIMEONI
A LA QUESTION DEPOSEE PAR MONSIEUR JEAN NOEL PROFIZI AU NOM DU GROUPE « CORE IN FRONTE »
OBJET : Dialogu veru o riprissioni.
Grazie signora Presidente.
Aghju da risponde eu chì sò statu l’anni scorsi incaricatu, in tantu chì Presidente di u Cunsigliu Esecutivu di Corsica, di purtà cù l’altri eletti di u Cunsigliu Esecutivu è di l’Assemblea sta parte necessaria è impurtantissima di e nostre rivendicazione.
A sapete è a vostra quistione permette di rammintala, chì a quistione di i prigiuneri pulitichi è di e seguite ghjudiziarie ch’elle sianu penale o civile pè e cundanne, anu sempre fattu parte, di manera diretta, di u perimetru di e discussione iniziate dopu à l’assassiniu di Yvan Colonna.
Aghju avutu l’uccasione di mintuala è di fala scrive di modu indirettu ma era chjaru à u livellu puliticu a prima volta ch’aghju incuntratu, eramu parechji, Gerald Darmanin, quand’ellu ripartia di a so prima visita è quandu aghju fattu a scelta di ziffrà, solu cun ellu, u testu chì hà permessu dopu à u prucessu dettu di Beauvau d’ingagiassi è di cuntinuà, era perchè avia accettatu d’integrà inde e discussione è neguziate da vene a quistione di i prigiuneri pulitichi.
Allora avà ghjunghjimu à l’ultimu d’issa passata è ci hà da esse una discussione davanti à l’assemblea naziunale francese chì hà da cumincià u 16 di ghjugnu. Sarà dunque l’uccasione per noi tutte è tutti è più particularamente per quelli chì sustenenu u prucessu è più particularamente per i naziunalisti ch’elli sianu inde a magiurità territuriale o ne l’opposizione di ramintà ciò ch’hè statu dettu è ciò ch’hè statu prumessu.
Per le prumesse, vogliu ramintà chì, cume l’avete fattu quandu hè venutu qui u ministru di a Ghjustizia Gerald Darmanin, ci hà dettu di modu chjaru chì sta quistione saria esaminata, micca da u parlamentu ma da u guvernu è chì l’affare di u FIJAIT frà altru è di e seguite di e cundanne sarianu regulate inde u quadru di u prucessu s’è stu prucessu cuntinuava.
Oghje simu à l’ultimu, emu da passà, pensu, in tutti i casi sarà u nostru casu, n’aghju parlatu cù u vostru presidente di gruppu è a ripetu per l’altri naziunalisti è per tutti l’eletti, pensu ch’hè nurmale ch’è no’ siamu quassù per l’utilme fase è tappe di u prucessu.
Dunque, anderemu in Parigi è averemu l’uccasione, a pensu, d’incuntrà, micca soli i deputati è senatori, ma dinù i membri di u guvernu frà i quali u ministru di a Ghjustizia postu chì quand’ellu si tratta di revisione cunstituziunale si sà chì u ministru di a Ghjustizia hè à u bancu di u guvernu. Po esse accumpagnatu d’altri membri di u guvernu ma c’hè. È dunque, averemu l’uccasione, a spergu è a pensu, d’incuntrà à Gerald Darmanin è sarà l’uccasione di ramintali inseme e so prumesse è di fà ch’è ‘sse prumesse divintinu, infine, fatti è atti.