Offres
API
Connexion
Documents similaires
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse - 2026E3025
unknown - Communauté de communes - Centre Corse - RQO2026E30
unknown - Communauté de communes - Centre Corse - rqo 2025O2
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse - 2021O233 pce
Document publié le Vendredi 1 janvier 2021
Lien du pdf (unknown - Communauté de communes - Centre Corse - 2021O233 pce)
Thèmes du document : Affaires étrangères et coopération, Mode, textile et habillement, Collectivités territoriales,
2020/O2/033
REPONSE DE MONSIEUR LE PRESIDENT DU CONSEIL EXECUTIF A LA QUESTION DEPOSEE PAR MONSIEUR SAVERIU LUCIANI
AU NOM DU GROUPE “AVANZEMU”
OBJET : Lingua Corsa
Rapidamente à ringraziavvi per a vostra quistione, Caru cullega.
Cunniscite bè stu duminiu postu ch’è vo site statu incaricatu durante a mandatura passata accant’à a vostra funzione di Presidente di l’Uffiziu Idrolicu, di a quistione di a lingua corsa. Dunque ùn riveneraghju micca nant’à ciò chì hè statu fattu incù voi, incù i servizii, i punti pusitivi, dinù e debulezze certe volte di a nostra azzione ch’emu sempre circatu à parà, e debulezze pè rinfurzà a nostra mandatura. À u livellu puliticu è essenziale è ùn riveneraghju micca nantu a primura maiò ch’ella ripresenta a piazza di a nostra lingua chì ghjè parte di u nostru esse cullettivu è di ciò ch’è no simu in tantu chè populu.
Pè risponde à e vostre quistione, di manera cuncreta, nanzu di parlà di ciò ch’è no circheremu à fà inseme durante a mandatura. L’affare di e sciffre è di l’effettivi, a sapete bè chè tutti l’anni straziemu incù u retturatu per ottene ste sciffre, chì ci dicenu chè ùn sò ancu validati da i so servizii, ciò ch’è no circhemu à fà è a sà ancu Josepha postu ch’ellu c’era a lingua d’una parte è a cultura, chì ghjè un travagliu glubale è cumunu, ùn ci pudemu micca rimette e manu à u retturatu pè sapè, ci vole à travaglià in direttu incù tutti l’attori, incù tutti l’insignanti per circà à sapè u scartu ch’ellu ci pò esse trà e sciffre ufficiale è a realità di l’effettivi è di a pratica inde u sistemu educativu. Questu pè e sciffre.
Secondamente pè u cuntrattu di pianu di modu generale sapete chè ùn simu micca i soli, e regione di drittu cumunu sò in listessa situazione, avemu un prublema glubale incù u guvernu. Pè ciò chì tocca a piazza di a lingua corsa, a sapete l’avemu fatta inseme è avemu fattu a scelta è di sicuru, hè mantinuta, di duppià è insistu, u sforzu finanzariu postu chì inde u cuntrattu chì si finisce trà 2015 è 2021, aviamu cunsacratu 17.5 milioni per a lingua è sapete chì ghjè un finanziamentu à paru trà Cullettività è Statu. Dunque 17.5 milioni, 8 è 7 di a parte di a Cullettività è avemu dumandatu è ottenutu nant’à u principiu ch’ella creschi sta somma à 30.2 milioni incù 15.6 milioni di a parte di Cullettività di Corsica. Dunque à u livellu finanziariu duppiemu mà al di là di u quantitativu ciò chì c’impreme hè u qualitativu, è què ci permette dinù di parlà per esempiu di a furmazione inde u primu è po inde u secondu gradu. Sapete chì avemu dumandatu, senza ottene, una valutazione di ciò chì hè statu fattu ghjè impurtantissimu, à u livellu di a metudulugia ci vole à rinfurzà u nostru travagliu, ancu s’ella hè stata fatta, ma ci vole à rinfurzà i segni pusitivi à tutti quelli ch’aspettenu assai di noi, vogliu parlà di l’insignanti, di l’associ di i parenti, di l’associ chì travaglianu nant’à u terrenu.
Nant’à a quistione di a pratica di generalizà l’immersivu publicu, simu ind’e listesse pusizione, noi ùn circhemu micca à oppone u publicu è l’iniziative assuciative simu impegnati direttamente nant’à u travagliu magnificu chì ghjè statu fattu da Scola Corsa pè apre ste duie scole immersive in Biguglia è in Bastia. Ma ùn ci vole micca chì st’iniziative assuciative sianu una scusa o venghinu à addibulisce a dimarchja di l’immersivu inde u publicu è quessa custì hè a nostra primura, l’aghju ripetuta direttamente à u primu ministru Jean Castex, postu chì a sapete avemu avutu una riunione cù l’associ di sfarenti rigione di Francia chì travaglianu nant’à l’immersivu associativu, aghju dettu è ripetutu chì pè noi l’immersivu linguisticu era à tempu quellu di u serviziu publicu di l’insignamentu è quelle d’iniziative assuciative ch’è no sustenimu.
È po custì dinù a sapete, l’immersione linguistica và al di là di l’immersione di u sistema educativu ancu s’ellu hè un puntellu maiò è què ghjè tutta a pulitica di difusione di sparghjera di a nostra lingua di a sucetà chì ci toccherà inseme à rinfurzà.
Quartu è ultimu puntu, quellu di cuufficialità, chì ghjè a prima battaglia è sapemu chì avete ripetutu a manera di vede e cose, sapemu bè chì custì, ci hè un’oppusizione fundamentale trà u nostru parè è e nostre cunvizzione è quelle chì stanu sempre à u core di a pratica è di l’ideulugia di u Guvernu è di u Statu.
A cuufficialità, travagliemu per esempiu incù Euskadi. Sapete, ch’è no avemu passatu una cunvenzione di cuuperazione per circa à vede al di là di l’aspetti ghjuridichi cumu facenu elli inde u so paese per sparghje a lingua, circhendu à ripiglià ste ricette ind’è noi è al di là ci vulerà à cuntinuà, postu chì avete fattu riferenza à una mudificazione di a custituzione è s’è no vulemu un statutu glubale d’autunumia è un statutu di cuufficialità sapemu bè chì ci vulerà à passà pè una mudificazione di custituzione. Ghjè un chjassu longu, petricosu, ma simu annant’à stu chjassu dipoi anni è anni è ùn rinfiataremu micca.
Finiscu dicendu chì, ci hà da vulè inseme, micca solu u Cunsigliu esecutivu, l’Assemblea incu tutti l’attori di mandature à vene.
Rivengu nant’à ciò ch’aghju dettu nanzu, sia una mandatura chì ci permette di fà inseme un passu maiò per a nostra lingua, un passu in tutti i duminii, inde a scola di sicuru ma inde a sucetà sana, è stu travagliu custì l’avemu da fà speru inseme inde i mesi è l’annate à vene.