Offres
API
Connexion
Documents similaires
unknown - Communauté de communes - Centre Corse - RQO2025 E1
unknown - Communauté de communes - Centre Corse - RQO2024 E1
unknown - Communauté de communes - Centre Corse - 2026 E1 00
unknown - Communauté de communes - Centre Corse - 2022 E1 00
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse - RQO2025 E1 003
Document publié le Mercredi 1 janvier 2025
Lien du pdf (unknown - Communauté de communes - Centre Corse - RQO2025 E1 003)
Thèmes du document : Espaces terrestres et maritimes, Associations, ONG et mouvements politiques, Pêche et métiers de la mer,
REPONSE DU PRESIDENT DU CONSEIL EXECUTIF
Objet : A ripressione pulitica : Fin'à quandu?
Vi ringraziu pè a vostra quistione. Sempre appena listessa quistione, l’affari ùn cambianu
tantu, è sempre listessa risposta.
Primu puntu, l’emu sempre detta, a pensemu, è n’emu fattu a dimustrazione, a
suluzione pulitica ch’è no bramemu deve piglià in contu a quistione di i prigiuneri
pulitichi, di e seguite di ciò chì s’hè passatu in Corsica, a logica di cunflittu, si tratta per
esempiu di e cunseguenze à u livellu di i soldi, l’amende, o i danni interessi. Emu
cumbattutu inseme per fà vultà quelli chì sò stati cundannati inde l’affare di u Prefettu
Erignac, emu luttatu inseme è cuntinuemu à luttà per ottene ghjustizia è verità inde
l’affare d’Yvan Colonna, sò chì ùn hè ancu u casu, m’avete fattu parte è avete fattu parte
à l’opinione publica corsa di a situazione di u vostru militante, Stefanu Ori, m’avete
dumandatu di fà valè e vostre dumande, l’aghju fatta. Què hè u primu puntu.
Secondu puntu, nantu à l’affare di u FIJET, cum’è l’aviamu detta, aghju multiplicatu e
dimarchje, A sapete, ste quistione anu vucazione à fà parte di e nostre discussione cù u
Statu, di manera trasparente, cun tutti i naziunalisti ma dinù cun l’astri eletti, ch’ùn sò
micca naziunalisti,è sapete dinù chì ind’u cuntestu attuale in Francia, ci vole à avanzà
nant’à st’affare à passi misurati perchè o sinnò ci seranu ghjente in Parigi chì si n’anu da
serve, puru per andà à contrasensu per raportu à e nostre dumande.
Dunque vi ramentu dinù chì pè u mumentu ùn ci hè statu pusizione publicada a parte di
u primu ministru o di u ministru Rebsamen incaricatu, à titulu di u so dicretu
d’attribuzione, a ramentu, di a quistione istituziunale di a Corsica, vale à dì chì u ministru
Rebsamen hà a manu nantu à u cartulare glubale. Da ch’ellu sarà venutu in Corsica per
parlà di a manera ch’ellu vede e cose, u vidaremu è s’è vo vulete u vidaremu inseme, tutti
inseme, puru per pone una volta di più, a quistione glubale ch’è vo trattate in a vostra
quistione è soprattuttu per ottene risposte chjare, efficace è rapide.