Offres
API
Connexion
Documents similaires
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse
Document publié le Vendredi 29 novembre 2024
Lien du pdf (unknown - Communauté de communes - Centre Corse)
Thèmes du document : Affaires étrangères et coopération, Exploration spatiale, Union Européenne,
2DA SESSIONE URDINARIA DI U 2024
RIUNIONE DI I 28 È 29 DI NUVEMBRE DI U 2024
2ÈME SESSION ORDINAIRE DE 2024
RÉUNION DES 28 ET 29 NOVEMBRE 2024
N° 2024/O2/061
Question orale déposée par Mme Marie-Claude BRANCA
au nom du groupe « CORE IN FRONTE »
OBJET : I NOSCI ANZIANI A NOSCIA PRIMURA.
Sgiò Prisidenti, Madama a cunsigliera esecutiva in carica di a saluta.
Più d’un annu fà, ci semu tutti mubilizzati pà mantena a maternità di Portivechju chì risicava di sarrà. Tandu aviamu tutti dittu chi ùn si pudia metta in priculu a vita di i donni è i ziteddi. Incù a mubilizzazioni semu riisciuti à fà cambià a dicisioni di l'ARS è di u Statu è à mantena un arnese indispinsevuli pà a saluta di l’aghjenti di stu rughjonu.
Da poi à qualchi mesi monda famiddi di u rughjonu di Portivechju Bonifaziu si lagnani chi so anziani so missi in priculu da a cattiva gistioni di l’urgenzi è da a mancanza di camari pà ricevali. Monda malati so stati rinviati in casa. Certi esamini nicissari ùn sò micca stati fatti. Iss’esamini è una presa in carica seria avariani pussutu impidiscia a morti di certi malati.
Ùn si tratta micca di suppusizioni senza fundamenti ma d’elementi precisi è di cartulari serii chi no puddemu prisintà.
A priurità hè stata data à altri sirvizia è cusì mancani i piazzi pà l’anziani chi so rinviati in casa. Ùn si pò ghjucà incù a so vita almenu di pinsà chi passata una certà ùn ci hè più bisognu di curà l’aghjenti. Par no tutti i viti contani hè par quissa chi à parè nosciu si devi rifletta à una vera ristruttrazioni di l’urgenzi è di u SAMU è à un veru sirviziu pà i parsoni anziani. Sta situazioni veni in parti da a scelta di i pulitichi è di l’ARS d’avè appughjatu a ripresa di a clinica incù un parsunali medicali privatu chì t’ha difficultà à occupà si di i malati à l’urgenzi, piuttostu che di rifletta à un ufferta pubblica.
A noscia Cullitività ùn ha nisciun puteri in materia di saluta ma pudemu metta l’ARS è i prupriitari di a clinica di Portivechju dananzi à i so rispunsabilità. Pudemu purtà li à rifletta à a nicissità di crià una struttura pubblica forti gistita da un parsunali medicu di u sittori pubblicu incù una parti di i sirvizia versu Bonifaziu lachendu altri sirvizi à a clinica di Portivechju mittindu in opara una cullaburazioni tra sti dui strutturi.
Pà u rispettu di a saluta di tutti, vechji o anziani, ùn ci pudemu accuntità di custatà a situazioni è cuntinuà à mandà i nosci cunduglianzi à i famiddi.
Sgiò Prisidenti, Madama a cunsigliera esecutiva seti pronti à metta in andà una discussioni tra l’ARS, i prupriitari di a clinica di Portivechju è à noscia Cullitività par dà à l’aghjenti di u nosciu rughjonu a pussibilità di pudé curà si è pudè campà comu à meritanu ?
Vi ringraziu.