Offres
API
Connexion
Documents similaires
unknown - Communauté de communes - Centre Corse - R2022 O2 0
unknown - Communauté de communes - Centre Corse - RQO 2023 O
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse
Document publié le Lundi 24 avril 2023
Lien du pdf (unknown - Communauté de communes - Centre Corse)
Thèmes du document : Affaires étrangères et coopération, Exploration spatiale, Migrations,
1
PRIMA SESSIONE URDINARIA DI U 2023
REUNIONE DI I 27 È 28 D’APIRLE DI U 2023
1ÈRE SESSION ORDINAIRE DE 2023
REUNION DES 27 ET 28 AVRIL 2023
N° 2023/O1/036
Question orale déposée par Marie-Claude BRANCA
Au nom du groupe « Core in Fronte »
OBJET : Chì suluzioni pà u pasturismu pà a Corsica di dumani ?
Sgiò presidenti,
Una sissantina d'anni fà hè natu in Corsica un zittiddonu chì da tandu hè crisciutu be è meddu. U cuniscimu tutti, si chjama turisimu è hè in piena forma incù u so amicu l’amori di u soldu faciuli.
Disgraziatamenti à tempu à a so nascita hà cuminciatu à morasini a noscia suciità agropasturali.
A situazioni di l'agricultura è più particularmenti di u pasturismu chì sarà u sughjettu di a noscia dumanda d'oghji impighjurisci. Rigularmenti tutti i gruppi, quì, mosciani a so primura fendu dumandi annant’à l’aiuti d'urgenza.
Ma incù u cambiamentu climaticu, l’impurtazioni di u latti o di a carri d’altrò, a sparizioni di i tarri agriculi à u prufittu di i custruzioni, l’invasioni di u turisimu in i loca innanzi risirvati à i pastori è tanti altri prublemi, l’urgenza duventa a regula pà i pastori. Ùn li pudemu lacà spariscia, iddi chi da l’alba à l’abbrucatu, da un capu d’annu à l’altru sudani è soffrini pà fà campà i so animali è i so famiddi è pruducia pà a Corsica
Sgiò presidenti di l’ODARC di sittembri rispundindu à una di i nosci dumandi ci aveti parlatu di l’aiuti privisti è di suluzioni à long’andà chì sariani pussibuli pà middurà a situazioni in u vosciu duminiu di cumpitenzi è sapemu chì ghjust’à puntu in ‘ssa sessioni hè privistu u studiu di un rapportu annant’à i ricirchi scientifichi pà middurà par esempiu a pruduzioni di l’alimentazioni è di l’animali.
Sapemu chì altri sirvizi è urganisimi travaddani pà truvà suluzioni. Ma ci pari urgenti e più efficaci di metta in sinergia tutti l’uffizi, urganisimi è sirvizi di a noscia cullittività cumpitenti in stu duminiu pà travaddà à fà rinviviscia viramenti sta filiera.
Ch’iddi sighini i sirvizi di a furmazioni, l’AUE, l’uffizi di u fundiariu, di l'ambienti è di a biodiversità, l'Uffiziu Udaulicu, a SAFER, u cumitatu di a muntagna corsa, l’urganisimi scientifichi è ben intesa l’ODARC.
È di sicura ùn si pò metta in opara un travaddu tamantu senza a participazioni attiva di i pastori chì cunoscini i loca, u funziunamentu di l’animali è di a natura e chi so l’eredi di un sapè fà chi veni da i nosci anziani. 2
Sgiò presidenti, quandu ci mittimu tutti insembu à u travaddu pà cambià u mudellu di suciità attuali è rimetta à u centru di a suciità u pasturisimu è l’agricultura chì ci parmittariani à pocu à pocu di ritruvà l’autunumia alimentari chì asistia innanzi è di metta un pocu da cantu stu turisimu invasivu chi s’allarga sempri di più ?
Vi ringraziu.