Offres
API
Connexion
Documents similaires
unknown - Communauté de communes - Centre Corse -
unknown - Communauté de communes - Centre Corse - RQO 2023 O
unknown - Communauté de communes - Centre Corse - R2022 O2 0
unknown - Communauté de communes - Centre Corse - R2022 O2 0
unknown - Communauté de communes - Centre Corse - R2022 O2 0
unknown - Communauté de communes - Centre Corse - R2022 O2 0
unknown - Communauté de communes - Centre Corse - R2022 O2 0
unknown - Communauté de communes - Centre Corse - R2022 O2 0
unknown - Communauté de communes - Centre Corse - R2022 O2 0
unknown - Communauté de communes - Centre Corse - RQO2024 O2
unknown - Communauté de communes - Centre Corse - R2022 O2 069
Document publié le Samedi 1 janvier 2022
Lien du pdf (unknown - Communauté de communes - Centre Corse - R2022 O2 069)
Thèmes du document : Affaires étrangères et coopération, Exploration spatiale, Migrations,
SECONDA SESSIONE URDINARIA DI U 2022
RIUNIONE DI I 24 E 25 NUVEMBRE DI 2022
2EME SESSION EXTRAORDINAIRE DE 2022
REUNION DES 24 ET 25 NOVEMBRE 2022
REPONSE DE MONSIEUR LE PRESIDENT DU CONSEIL EXECUTIF A LA QUESTION DEPOSEE PAR MADAME MARIE-CLAUDE BRANCA AU NOM DU GROUPE CORE IN FRONTE
Objet : Pour une nécessité de cadrer les programmes d’accession à la propriété
Iè di sicuru, aghju da risponde di manera chjara. « A femu qiandu ? » A femu, vi prupongu,
prima di e vacanze di Natale, sapete, u prossimu cunsigliu d’amministrazione.
A vostra quistione hè di primura per tutte è tutti, micca solu pè u vostru gruppu, micca solu
per l’esecutivu ; hè stata dinù appughjata da a nostra cullega Madama Pieri è ci hè a vulintà, micca solu
à l’internu di l’Uffiziu Fundariu ma, mi si pare, à u livellu di a nostra Assemblea, di u nostru cunsigliu
esecutivu, di fà di ‘ssa lotta contr’ à a speculazione è di l’accessu à a tarra è à l’alloghju una priurità
assuluta. Hè vera chì ci sò parechje urgenze, ma quessa custi mi pare a prima è forse a più impurtante,
à u livellu puliticu glubale.
Dunque di sicuru emu da fà issa riunione. Tengu quantunque à rammintà chì, quand’ella tocca
direttamente à e scelte di a Cullettività, emu digià messu in ballu (forse ch’ellu si pò migliurà) un
quaternu è regule chì permettenu o chì imponenu à e cumune chì volenu benefizià di un aiutu di a
Cullettività d’esse in una dimarchja chì sia assicurata à u livellu ghjuridicu. Vogliu rammintà chì emu
oghje in u quatru di u regulamentu « Una casa per tutti, una casa per ognunu » a pussibilità d’aiutà,
ch’ella sia ind’a custruzzione o inde u rinnovu, sin’à 80 % e cumune chì volenu favurizà l’accessu à a
pruprietà di i residenti, ind’u rispettu di u quatru custituziunale. Chì dinù per tutte e case chì sò
tralasciate aiutemu finanzialmente e cumune à recuperalle. È chì dunque emu assicuratu u passu di
‘ssa parte quì à u livellu ghjuridicu.
2022 / O2/069 Avà, ci vole à fà listessa inde u quatru di l’azzione è di l’intervenzione di l’Uffiziu fundariu, ma
ùn hè micca tutt’à fattu listessa, perchè custì ùn tocca micca direttamente à noi. Rammentu chì
quand’ellu intervene l’Uffiziu, intervene in aiutu per purtà un prugettu chì ferma quellu di a cumuna.
Dunque u nostru scopu inde ‘ssu quatru quì hè di prupone à e cumune in cor’di l’azzione cun elle, ind’u
rispettu di e so scelte, d’esse d’accordu per schisà u generu di prublemu chi s’hè pussutu incuntrà, per
esempiu di vene à aiutà di manera impurtante un prugramma è chì dopu ùn sia micca abbastanza
inquatratu à u livellu ghjuridicu è chì iss’ affare custì, à parte da una dimarchja di virtù, sbocchi nant’à
spussessi ch’ùn ci cunvenenu micca.
Dunque ci vole à fà issa riunione, sò prontu à falla. Sò ch’è vo avete a vulintà, sò ch’è vo avete
l’idee à u livellu ghjuridicu. Rammentu dinù chì emu pigliatu issa decisione quandu s’hè trattatu d’aiutà
una cumuna ind’una operazione impurtantissima , a cumuna di Munticellu, ind’un locu, a Balagna,
induve a speculazione immubiliaria face disguasti maiò è chì dunque vuliamu chì ‘ssa operazione fussi
veramente esempiaria. Ci eranu dinù i prublemi d’urbanisimu putenziali nant’à i terreni. Ci hè l’affare
di a strada nova chì duvia esse fatta è chì duvimu regulà cun tutte e cumune cuncernate, hè privista
dinù una riunione.
Nant’à l’affare di l’inquatramentu ghjuridicu è di a pruposta di l’Uffiziu à e cumune chì ci anu
da sullicità d’esse in un quatru ghjuridicu sicurizatu, femu sta riunione è femu chì à partesi da oghje
tutti l’aiuti chì anu da intervene ind’u quatru di i prugrammi di l’Uffiziu Fundariu sianu cocustruiti cù e
cumune è permettinu di sbuccà nant’à operazione chì cunveninu à a nostra vulintà d’assicurà u passu
nant’à u fattu di rinfurzà l’accessu di i Corsi, di i giovani è ancu di quelli chì sò menu giovani, à a
pruprietà è à a tarra.
A ringraziavvi !