Offres
API
Connexion
Documents similaires
unknown - Communauté de communes - Centre Corse - 2019 O1 02
unknown - Communauté de communes - Centre Corse - R2023 O1 0
unknown - Communauté de communes - Centre Corse - 2026 O1 01
unknown - Communauté de communes - Centre Corse - 2026 O1 01
unknown - Communauté de communes - Centre Corse - RQO2024 O1
unknown - Communauté de communes - Centre Corse - R2023 O1 0
unknown - Communauté de communes - Centre Corse - 2026 O1 01
unknown - Communauté de communes - Centre Corse -
unknown - Communauté de communes - Centre Corse - 2019 O1 00
unknown - Communauté de communes - Centre Corse - 2026 O1 00
unknown - Communauté de communes - Centre Corse - 2019 O1 037
Document publié le Mardi 1 janvier 2019
Lien du pdf (unknown - Communauté de communes - Centre Corse - 2019 O1 037)
Thèmes du document : Affaires étrangères et coopération, Bois et produits du bois, Changement climatique,
2019/O1/037
REPONSE DE M. Saveriu LUCIANI
A LA QUESTION DEPOSEE PAR Mme Marie-Anne PIERI
AU NOM DU GROUPE « PER L’AVVENE »
OBJET : ANTICIPATION DU RISQUE DE SECHERESSE.
O Sgiò Presidente, cari culleghi, cara amica ghisunaccese,
Mi punite, cum’ellla hè stata fatta à l’ultima sessione, una quistione di primura. Di pettu à una’annata chì, rispettu parlendu, sente a sicchia, mi pare capita è certa chì quella di l’acqua cumacca à tutt’ognunu quì, è di manera più chjara, u Populu Corsu, da e so piaghje à e so sarre.
Cum’è di marzu, vi possu dì chì i matrali di l’offiziu sò pieni à 100 per centu, quelli d’EDF dinò. Ma sapete ch’ellu ùn vole micca à suddisfaccine è frazà a risorsa, nè mancu fà crede chì l’affari anderanu bè sin’à nuvembre. Per contu nostru, simu à 100 per centu di riempiimentu, dinò per via di l’annata 2018 più chè diviziosa, ma dinò d’una azzione nostra à prò d’una gestione di prevenzione anninca.
In fatti, 2019, l’amu appruntatu dipoi annu è circhemu dipoi marzu à risparà e riserve è dunque à mantene i matrali pieni. Ci vole à salutà a cuuperazione, oramai tradiziunale, d’EDF chì gestisce i so lavi tenendu contu di i nostri bisogni, quelli di a CAPA è di a CAB. Cusì chì à l’entre maghju, ci permette d’appruvistà circa 80 milioni di metri cubbi in tuttu.
In tantu, ammenteraghju e reunione di u CSH chì permettenu d’almanaccà à a bella megliu una strattegia cullettiva à prò d’una gestione in cunsequenza, cù tutti l’attori pubblichi o privati, da i servizii di u Statu à EDF, Metteò Francia, u mondu economicu è agriculu, e camere, l’eletti, tira avant’è passa. Eccu l’ultime cunclusione di u CSH territuriale di u 15 d’aprile :
• Hè sicchia, ancu s’è à stonde pare ch’ellu piovi,
• Neve scarsa in muntagna cù e cunsequenze per l’alimentazione di i fiumi,
• Un’idrulugia trimestriale ch’ùn serà mai vista, in parechji rughjoni, dipoi vinti è ancu cinquant’anni – u statu di i fiumi hè oghje ghjornu simule à l’epica di l’entre lugliu -,
• Parechje chene sutterranie sott’à cuntrollu
• è perfine u pocu di l’umidità di a terra ch’hà fattu anticipà l’irrigazione agricula. o in Balagna à u matrale di E Cotule misure per bunificà a qualità di l’acqua (ussegenazione è analisi sistematiche)
o mubbilisazione di a Figarella per alimentà a reta in diretta è cusì permette di mantene pienu u matrale di E Cotule per avà.
o messa in piazza d’un dispusitivu di telegestione in Nota, in Purtivechju, da permetteci di gestisce megliu l’usu di a risorsa di i matrali di U Spidali è Figari
o in piaghja a messa in funzione di a stazione d’Alzitone (2 milioni) è a rinuvazione di u surpressore di Vergaghjola
o a custruzzione di u surpressore di Tagliu à partesi da settembre per a cunezzione trà Golu è piaghja
o u rinfurzamentu di e canalisazione trà Trè Vadine è e riserve di piaghja per accelerà u so riempiimentu.
o Reunione misinche di u CSH
Per contu nostru, ancu s’è ùn vi possu allistinà l’uperazione, vedite ch’è no cuntinuemu a prugrammazione di u PEI è l’invistiscimenti previsti, ancu s’ellu s’aspetta sempre risposte precise da a parte di u Statu.
Ammenteraghju azzione d’uttimizazione per quis’annu :
o Mubbilisazione permanente di e squatre tecniche di l’offiziu per qualunque intervenzione nant’à e rete. Sò state create quist’annu duie squatre à posta.
Cù ciò ch’ellu si face à cort’andà nant’à e rete, rimpiazzamentu di canalisazione stallazione d’apparechji di cuntrollu per migliurà i rendimenti è perfezziunà i mudelli di gestione è di cunsumazione, tir’avanti è passa.
Eccu, per compie vi ricordu ch’ella ci impreme a cuncertazione cù u mondu agriculu ch’è no scuntremu oramai di manera rigulare è ch’ella hè prevista una campagnata di sensibilisazione da a Cullettività nant’à l’usu ragiunatu di l’acqua, in leia cù l’attori economichi, i corsi, e cullettività è e camere, moltu più in tempu di frequentazione turistica impurtante.
Dopu à a cartula firmata di lugliu cù e filiere agricule è un ciculu prugrammatu di reunione cù e filiere, vi ricordu a impurtanza di mette in pratica a strattegia glubale d’adattazione à u cambiamentu climaticu, u pianu elaburatu da u Cumitatu di Vascone di Corsica, primu passu cullettivu d’una strattegia chì serà ufficializatu à l’entre maghju.
Per cunclude, sappiate ch’ellu ci tocca à piglià in contu stu cambiamentu climaticu di modu glubale, chì hè in core di l’azzione à vene d’ogni pulitica publica. Hè l’affare di tutti ! À stui patti, capite bè ch’ellu ùn si tratta mancu più d’anticipà ma per u più d’appruntà di manera sistematica, ghjornu per ghjornu.
Intantu, amica, fermu di sicuru à a vostra dispusizione, sia per spiegazione o sippuru sviluppà più in là i punti allistinati quì sopra, sia cù i servizii di a missione Acqua di a Cullettività o puru cù quelli di l’Offiziu Idrolicu di Corsica.
À ringraziavvi