Offres
API
Connexion
Documents similaires
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse - QO2023O2077
Document publié le Samedi 10 octobre 2026 à 05h17
Lien du pdf (unknown - Communauté de communes - Centre Corse - QO2023O2077)
Thèmes du document : Affaires étrangères et coopération, Tabac et addictions,
2DA SESSIONE URDINARIA DI U 2023
REUNIONE DI U 30 DI NUVEMBRE
2ÈME SESSION ORDINAIRE DE 2023
RÉUNION DU 30 NOVEMBRE
N° 2023/O2/077
Question orale déposée par M. Saveriu LUCIANI
Au nom du groupe « Avanzemu »
UGHJETTU : 2023 : ASPETTENDU U CPER, U CORSU A SICUTERA ?
Sgiò Presidente di l’Esecutivu,
Ognitantu pigliemu à parlà di gestione di u cartulare linguisticu. Di falla un’antra volta mancu ùn mi dispiace chì tantu ùn si vede tant’affari, s’elle ùn sò cunvenzione classiche indiate unepochi d’anni fà o sustegnu à operate assuciative, vogliu vene à dì ch’ella campichjeghja a lingua nant’à l’acquisti vechji.
Fattu si stà chì dipoi dui anni l’iniziative vostre sentenu u pocu.
Tempu di grilli piuttostu chè tempu di capretti diceranu certi.
Ricurdatevi quantunque : V’aviamu dumandate in quell’epica duve n’erate di u CPER 2021-2027. À mumenti entrimu in u 2024 è s’aspetta sempre l’abboccu…
À chì ne simu inquant’à u bilanciu sciffratu di l’effettivi sculari di a rientrata, l’analisi, piani di furmazione è a valutazione di a pulitica indiata, a messa in anda di misure rilative à l’inchiesta sociologica di u 2020, un segnu di a vulintà pruclamata, per u più nant’à e rete suciale, d’accimà l’ogettivi sucetali, da curegge per indettu a calata di a trasmissione famigliale o sippuru palisà e mancanze tremende d’un sistema educativu chì strazia à amparà è à sparghje a nostra lingua ? Chì sò diventati a maiò parte di i premii, per indettu in literatura ?
Ma à chì ne simu di a presentazione di stu pianu strattegicu è di sta cunvenzioine nova nant’à a lingua per indettu ?
Intantu mi sia cuncessu un passu in daretu per ricurdavvi dinò ch’ellu s’aspetta omancu l’organisazione d’un CAT è forse, di tantu in tantu, forse un puntu d’infurmazione cum’ella si facia in quell’epica vicina. O l’affari vanu bè, o macaru si passa qualcosa, cum’ella a dicia qualchissia in campagna eletturale…
Nunda, è s’e mi sbagliu – fuss’ella puru – in casu fatemi capace.
Ùn steremu à allistinà l’assai di ciò ch’ellu ùn si face. Sappiate quantunque chì l’attesa pare à tutti più chè longa è sopr’à tuttu dannifica assai per l’Avvene ; moltu più chì l’urgenza chere risposte fattive è subbitagne.
900 ghjorni di mandatura nova è 14 mesi dopu avè avviatu l’assu d’un pianu cusì dettu strategicu, puntellatu di quandu in quandu da cummissione di travagliu : fatta fine, oghje chì ghjè oghje, assai fume è pocu arrostu…
U tempu corre è ùn aspetta è più peghju chè cusì, u tempu d’avà và in furia è ci mena in capu à a scumpassiunata. Ùn basta più à dì è turnà à ripete sempre chì quella di a lingua, fundame maestru di a nostra lotta d’emancipazione naziunale, ferma una primura maiò.
Intantu, s’ella impreme di ricurdà à tutti a impurtanza di a piazza di a lingua in li niguziati di l'autunumia, aldilà di stu frattempu, hè ch’ella ci hè quì necessità di sparte a suparagnità educativa in materia di difesa di a lingua, d'adattazione di i prugrama è in gestione cullabburativa di i persunali insignanti, cù a primura maiò di a so cursufunizazione, sapendusi a dificultà maiò di dispone di a risorsa umana in ssa materia, in cunsunenza cù l’indiatura stampata in l’articulu 3 di a deliberazione di u 5 di lugliu scorsu.
Eccu. Taglieremu arrochju ch’ùn ci bisognu à andà per tante strade o sippuru di spiegà o specificà l’evidenze, di pettu à a sfida di riacquistà sta lingua è u sale di a vita di stu populu…
Innò, solu sta dumanda :
O sgiò Presidente, voi chì site u cunsiglieru incaricatu di a strattegia linguistica à prò d’una sucetà biplurilingua, chì cuntate di fà è di prupone à cort’andà per turnà à mette a lingua nant’à tamanta strada ?
Vi ringraziu.