unknown - Communauté de communes - Centre Corse

Documents similaires

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse Document publié le Lundi 26 janvier 2026 Lien du pdf (unknown - Communauté de communes - Centre Corse)Thèmes du document : Affaires étrangères et coopération, Exploration spatiale, Handicap et inclusivité, 1MA SESSIONE STRASURDINARIA DI U 2026

29 È 30 DI GHJINNAGHJU

1ère SESSION EXTRAORDINAIRE DE 2026

29 ET 30 JANVIER

N° 2026/E1/001

Question orale déposée par Mme Marie-Claude BRANCA

au nom du groupe « Core in Fronte »

OBJET : PÀ UNA VERA MAESTRIA DI U PARCU SUCIALI IN CORSICA

U 25 di nuvembri di u 2025, in Portivechju, emu postu a quistioni di l’alloghju suciali.

Al di là di u casu di a cumuna, u prublema tocca a rialtà di a ghjistioni di l’alloghju in Corsica.

Quandu si tratta di ammaistrà u nosciu destinu suciali è culturali, un pudemu lacà da cantu sta quistioni.

U custatu hè chjaru :

U parcu suciali rapprisenta a più debuli prupurzioni d’alloghji ciucchi (T1 è T2) paragunatu à u niveddu francesu.

A Corsica moscia una debuli parcintuali – 10% - di a parti di l’alloghju suciali.

Hè supratuttu Erilia, filiala francesa di u gruppu « Alloghju in Rughjoni, liatu à banchi BCPE) chì in Corsica hè u principali appighjunatori incù una ghjistioni di 42 % di l’alloghji. Ogni annu da 250 alloghji.

Tinendu contu chi a Corsica t’hà una dumanda annuali d’alloghji suciali di 6500 parsoni, a pruposta hè quattru volti infiriori à a dumanda.

Sta dumanda metti dinò in rilievu una furtissima vinuta d’altrò, mentri i Corsi hani di più in più difficultà à pudè campà in tarra soia. Un corsu nant’à cinqui campa sottu à u limitu di puvertà.

Di pettu à sta dumanda, l’appighjunatori paisani ùn riescini à mantena u so rolu. Incù un fundiariu troppu caru, i novi normi energitichi, i riabilitazioni troppu cari, i difficultàd’accessu à i crediti bancari, facini chi s’impatranuscini i sucità francesi è altri cumu Erilia o cumu Action Logement.

Di fatti so cundannati à spariscia… Si pò dì chì accant’à a culunizazioni francesa di pupulamentu ci hè a culunizazioni incù u capitali.

Par contu nosciu, par arristà stu priculu d’egemonia strutturata chì participighja à a culunizazioni suciali è culturali, difindimu chjaru chjaru u principiu di a maestria publica di u parcu suciali in Corsica. Parmittaria di falla finita incù a spargugliera di i picculi appighjunatori paisani è di prisirvà i nosci equilibri suciali è culturali.

C’e dinò a quistioni di u pesu di u RLS (Réduction de Loyer de Solidarité) imposta dipoi 2018 nant’à l’appighjunatori. À u cuntrariu di i DOM – TOM chiì hani sapiutu righjittà lu è niguzià una dirogazioni, a Corsica ni patti … Hè quissa a Corsica autonoma chì vulemu custruiscia sutt’a dipindenza di sucità francesi ?

Par quissa vi femu sta dumanda :

- Chì cunteti di fà da veru par avè una vera maestria di u parcu suciali in Corsica è salvà i picculi appighjunatori paisavi di sta sparizioni prugrammata da l’accaparrera di u marcatu ?

À ringrazià vi.