unknown - Communauté d'agglomération - Pays Basque - OJ 27 Reglement Aide a l investissement EUS

Documents similaires

unknown - Communauté d'agglomération - Pays Basque - OJ 27 R

unknown - Communauté d'agglomération - Pays Basque - OJ 27 D

unknown - Communauté d'agglomération - Pays Basque - OJ 27 R

unknown - Communauté d'agglomération - Pays Basque - OJ 27 D

unknown - Communauté d'agglomération - Pays Basque - OJ 27 D

unknown - Communauté d'agglomération - Pays Basque - OJ 32 C

unknown - Communauté d'agglomération - Pays Basque - OJ 08

unknown - Communauté d'agglomération - Pays Basque - OJ 43

unknown - Communauté d'agglomération - Pays Basque - OJ 42 0

unknown - Communauté d'agglomération - Pays Basque - OJ 17 D

unknown - Communauté d'agglomération - Pays Basque - OJ 27 Reglement Aide a l investissement EUS Document publié le Dimanche 1 janvier 2023 Lien du pdf (unknown - Communauté d'agglomération - Pays Basque - OJ 27 Reglement Aide a l investissement EUS)Thèmes du document : 1

Euskarazko edo okzitaniera-gaskoizko

murgiltze harrerako

Haur Ttipien Harrera-Etxeetarako (HTHE) eta

Haurtzain-Etxeetarako

inbestimendurako laguntza

Esku hartze araudia

Buraso gehienek euskara eta okzitaniera ez dakiten testuinguru soziolinguistiko honetan, gure bi lurralde- hizkuntzen etorkizuna bermatzeko baitezpadakoa da zerbitzu-eskaintzaren jarraipena segurtatzea Haur Ttipien Harrera-Etxeen, eskolaren eta aisialdi zentroen artean, eta hori, lurraldeko bizi eremu guzietan.

Euskarari doakionez, Euskararen Erakunde Publikoa (EEP) sortu zenetik 2004ean, herrien, Hezkuntza Ministerioaren eta EEPren arteko lanari esker, eskolen edo murgiltze sistemako erakundeen kopurua molde adierazgarrian garatu da: lehen mailako eskolen % 70 elebiduna da eta ikasleen % 41,5ek euskara ikasten dute.

2010az geroztik, Familien Laguntza Kutxa (CAF), Pirinio Atlantikoetako Departamendu Kontseilua, Euskararen Erakunde Publikoa eta Hego Akitaniako Laborantza Mutualitate Soziala (MSA), eta orain Euskal Hirigune Elkargoa ere, lanean ari dira, LEHA dispositiboaren barnean, haurtzaindegietako euskarazko eskaintzaren garapen-dinamika beraren alde. Labelizazio Batzordean parte hartzeaz gain, Euskal Elkargoak laguntzen ditu nahi duten haurtzaindegiak harrera elebiduna edo euskarazkoa plantan ezartzen ingeniaritza laguntzaren bidez eta ere formakuntza, itzulpena, material pedagogikoaren erosketa edo euskarazko animazioak finantzatuz.

Horrela, haurtzaindegi elebidunak eta euskaldunak garatzen dira (28 egitura labelizatuak, hots, Laguntza Sozial Bakarrak finantzatzen dituen haurtzaindegien % 45), baina haur ttipien euskarazko harrera- eskaintzaren eta euskarazko eskola-eskaintzaren arteko jarraipena oraino ahula da bizi eremu kasik2

guzietan. Gainera, 2022an egin LEHA dispositiboaren ebaluazioak agerian utzi du euskarazko eskaintzan aniztasuna falta zela, hastapenean frantsesez bakarrik funtzionatzen zuten haurtzaindegiek errazkiago sistema elebiduna hautatzen baitute murgiltze sistema baino. Gaur egun murgiltze sistema 5 haurtzaindegitan baizik ez da atzematen, lehen mailako hiru sareetako 75 eskolek, hots, % 33k, murgiltze eskaintza proposatzen dutelarik bereziki ama eskolan.

Aldi berean, badu zenbait urte leku berrien sortzeko dinamika haurtzain-etxeek eta estatus pribatuko mikro- haurtzaindegiek (PAJE laguntzek finantzatuak) eramaten dutela.

Okzitaniera-gaskoiari dagokionez, eskaintza agertzen ari da gaur egun. Bidaxuneko elkargo-haurtzaindegiak sentsibilizatzeko tailerrak eskaintzen ditu eta emeki-emeki, langileen formakuntzari esker, eskaintza egonkortuz joaten ahalko da.

Horregatik, LEHA dispositiboaren eta Bidaxuneko elkargo-ekimenaren bidez haurtzaindegien sarean eskaintza elebiduna eta murgiltze sistema sustatzeaz gain, Euskal Elkargoak dispositibo berri hori sortu du murgiltzezko egitura eta leku berrien sortzea sustatzeko, euskara edota okzitaniera-gaskoiz, lurraldeko Haur Ttipien Harrera-Etxeetan (HTHE) eta haurtzain etxeetan.

1. GAIA

Euskal Hirigune Elkargoak inbestimendu-proiektuei finantzamendu bat ematen ahal die Haur Ttipien Harrera- Etxeetan eta Haurtzain-Etxeetan murgiltze sistemako leku berriak sortzeko euskaraz edo okzitaniera- gaskoiz.

Murgiltze sistemako harreraren karietara, haurrak zaintzen dituzten lehen haurtzaroko profesionalek beharrezko kalifikazioak badituzte eta gutienez B1 maila badute euskaraz edo okzitaniera-gaskoiz, eta egun guzian bi hizkuntza horietarik batean mintzo dira. Beharrez, profesionalek frantsesa erabiliko dute egokitzapen-aldietan eta haurraren ongizaterako beharrezkotzat jotzen denean. Burasoekiko komunikazioa eleaniztuna izanen da: frantsesa, euskara edota okzitaniera-gaskoia erabiliko dituzte.

Lehen haurtzaroaren arloan eskumena duten instantziek (CAF, MSA, Departamendu Kontseilua/ PMI, eta beharrez, herria) aitzinetik printzipiozko adostasuna emanen dute sostengatu proiektuetarako.

2. HARTZAILEAK

Dispositiboa, diru-irabazteko xederik gabeko proiektu eramaileentzat da: 1901.eko legearen araberako elkarteak, herriak edo jabe-alokatzaile sozialak, eraikinaren jabeak (Etxe-Sozietate Zibilaz kanpoko pertsona moralak) edo epe luzeko alokatze-kontratua dutenak, obrak egiteko baimena ematen diotena.

Inbestitzailea ez baldin bada ustiatzailea, Euskal Hirigune Elkargoak eman laguntzak behar du alokairua apaldu zerbitzuaren helgarritasuna gehienentzat hobetzeko.

3. LAGUNTZAREN EKO-BALDINTZAZKOTASUNA

Euskal Hirigune Elkargoak trantsizio handiak sustatzeko xedea du biharko erronkei buru egiteko. Seinale azkarra eman nahi dio lurraldeari, sostengatu proiektu guziei praktika iraunkorrak eta molde konstruktibo eko-arduratsuak eskatuz. Horretarako, eko-baldintzazkotasun arauak finkatu ditu.

Gutienez 6 puntuko eko-emaitza lortzen duten proiektuak bakarrik laguntzen ahalko dira dispositibo honen bidez. Horretarako aterabideak zerrendatu dira eraikinaren eta harrera zerbitzuaren kudeaketaren ingurumen-eragina murriztu dezaketenak (ikus inbestimendurako laguntza galdea egiteko inprimakiko V. puntua).3

4. GASTU HAUTAGARRIAK

Gastu hautagarriek behar dute lotura izan mota honetako inbestimendu programa batekin: - 1. kategoria: Euskarazko edo okzitaniera-gaskoizko murgiltze sisteman diren haur ttipien harrerarako baliatzen diren eraikinen eraikitze, handitze, bestelakotze eta berritze edota barne antolaketa obrak.

- 2. kategoria: ontasun higiezinen erosteko kostua, 600 €/m²-ra mugatuz; gastu hautagarrietan sar daiteke, baldin eta erakinak ez badu oraino laguntza publikorik errezibitu.

- 3. kategoria: kanpo antolaketa edo eraikitze gastuak (jostalekuak, helgarritasuna, aparkalekua...)

- 4. kategoria: ordainsariak (ikerketak, arkitektoa, beste). Higiezin-inbestimenduari lotuak, 1. eta 2. kategoriako gastu hautagarrien % 15 gehienez.

Gorago aipatuak ez diren gastuak de facto hautagarritasunik gabeak dira. Gisa horretara, araudi honen arabera, eraikia ez den lursailaren erosketaren kostua ez da gastu hautagarria .

5. LAGUNTZAREN ZENBATEKOA

Eman dirulaguntza 7 400 €-ra mugatua da murgiltze sistemako leku bakoitz. Murgiltze sistemako leku guziak kontuan hartzen ahalko dira laguntzaren kalkulurako, baldin eta proiektuari esker leku kopurua emendatzen bada. Laguntza hori hartzailearen gain den parterako da, autofinantzamenduak gutienez % 50koa izan beharko du herrientzat eta % 20koa beste proiektu eramaileentzat.

6. DOSIERRAK PAUSATZEKO MOLDEAK

Proiektu eramaileak beharko dio berehala edukitzan hartzeko gutuna igorri Euskal Hirigune Elkargoko lehendakariari, Haur Ttipien Harrera Etxearen edo haurtzain etxearen sortze edo handitze proiektua eta doakion higiezin proiektua aurkezteko. Berehala edukitzan hartzeko eskubidea behar da gertatu gastu oro gauzatu aitzin (aitzin-ikerketa gastuez kanpo), bestela hautagarritasunik gabea izanen da; obralari batek egin aurrekontuak edota obren estimazioak beharko zaizkio lotu. Obrak hasteko baimena ematen duen eskuratze agiria igorriko da, baina ez du erran nadi dirulaguntza emanen denik.

Berehala edukitzan hartzeko gutun horren ondotik dirulaguntza eskaera eginen da, eta dosier osoa beharko zaio juntatu (Euskal Elkargoak eman inprimakia). Proiektuak beharko du baitezpada agertu erakunde eskudunen (PMI, CAF, MSA, herria edo Euskal Elkargoa) printzipiozko adostasuna murgiltze sistemako leku berrien irekitzeko.

7. LAGUNTZAREN ORDAINKETARAKO MOLDEAK

Dosier osoa errezibitu ondoan, Euskal Hirigune Elkargoko Kontseilu iraunkorraren meneko ezarriko da finantzamendua erabakitzeko, Euskal Elkargoko zerbitzuen instrukzioan oinarriturik. Dosierra atxikia balitz, hitzarmen bat eginen da eta proiektu eramaileari igorriko. Hitzarmenean zehaztuko da:

1/ Euskal Elkargoaren parte hartze mota, iraupena, eta gaia.

2/ Dirulaguntzaren zenbatekoa eta ordainketa moldeak.

Dirulaguntza esleitzeko gutienez bi ordainketa eginen dira. Lehenbiziko abantzua emanen da obrak hasi direla egiaztatu ondoan, eta ezin izanen da dirulaguntzaren zenbatekoaren % 50 baino gehiago izan. Zati ordainketa gehigarri bakoitzerako, hartzaileak beharko dio4

sistematikoki Euskal Elkargoari dirulaguntza ordainketa galdea igorri, behar bezala beterik eta izenpeturik, egiaztagiri hauekin:

• egin operazioaren idatzizko txostena, proiektua zertan den esplikatzen duena; • ordaindu fakturen kopia, faktura edo gastu frogagiri guzien laburbilduma; faktura edo frogagiri bakoitz zehaztu beharko da igorlea, eguna, zenbatekoa BEZa gabe, zenbatekoa BEZarekin, eta egin gastu guzien batuketa, kontu-aditu batek egiaztaturik.

Abantzuen eta zati ordainketen zenbateko osoa ezin izanen da bozkatu laguntzaren % 80 baino handiagoa izan.

Pagatu beharreko dirulaguntza kalkulatuko da egin obren eta gastuen arabera.

Dirulaguntzaren ordainketa eginen da hartzaileak igorri elementuak ikertu eta Euskal Hirigune Elkargoak lekuan berean egin bisitaren ondotik bakarrik, inbestimenduak eta laguntzaren eko-baldintzazkotasunari lotu ekintzak egin direla egiaztatzeko, eta murgiltze sistemako harrera zerbitzuaren funtzionamendu egokia egiaztatzeko. Inbestimenduak ez balira egin, gutieneko 6 puntuko eko-emaitza ez litzateke lortua, eta hartzaileak beharko ditu osoki ordaindu jadanik eman zaizkion ordainketak.

3/ Operazioaren finantzamendu plana, erakusten duena lagundu programa burutzeko aurreikusi gastu eta esleitu baliabide guziak, eta bereziki ukan diren beste laguntza publikoak.

4/ Hartzailearen engaiamenduak higiezin-proiektu lagundurako, eta xedetzat ziren emaitzak. Proiektu eramaileak beharko ditu, besteak beste, dirulaguntza galdean hitzeman murgiltze sistemako harrera eta ingurumen-engaiamenduak mantendu 10 urtez, dirulaguntza esleituko zaion eraikinetan. Bestela, hartzaileak beharko du ukan duen laguntza berriz itzuli.

8. LAGUNTZEN METAKETA ARAUEN KONTROLA MOLDEAK

Hartzaileak dirulaguntza galdean nahitaez beharko du deklarazio bat gehitu, zehaztuz aurkeztu proiekturako galdatu edo ukan dirulaguntzak, eta 3 azken urteetan ukan laguntza publiko guziak.

9. HARREMANAK

Hizkuntza Politiken Zuzendaritza

Hizkuntza politiken eta herritarrendako zerbitzuen zuzendariordetza nagusia Euskal Hirigune Elkargoa

Foch Marexalaren etorbidea, 15 - CS 88507

64100 BAIONA