unknown - Communauté d'agglomération - Pays Basque - OJ 27 Reglement Aide a l investissement OC

Documents similaires

unknown - Communauté d'agglomération - Pays Basque - OJ 27 D

unknown - Communauté d'agglomération - Pays Basque - OJ 27 R

unknown - Communauté d'agglomération - Pays Basque - OJ 27 R

unknown - Communauté d'agglomération - Pays Basque - OJ 27 D

unknown - Communauté d'agglomération - Pays Basque - OJ 27 D

unknown - Communauté d'agglomération - Pays Basque - OJ 32 C

unknown - Communauté d'agglomération - Pays Basque - OJ 27

unknown - Communauté d'agglomération - Pays Basque - OJ 10 0

unknown - Communauté d'agglomération - Pays Basque - OJ 06

unknown - Communauté d'agglomération - Pays Basque - OJ 47 F

unknown - Communauté d'agglomération - Pays Basque - OJ 27 Reglement Aide a l investissement OC Document publié le Dimanche 1 janvier 2023 Lien du pdf (unknown - Communauté d'agglomération - Pays Basque - OJ 27 Reglement Aide a l investissement OC)Thèmes du document : Mode, textile et habillement, Logement, Famille, 1

Ajuda a l’investiment entaus Establiments

d’Arcuelh deu Joen Mainat (EAJM / EAJE) e las

Maisons d’Assistentas Mairaus (MAM) immersius

en euskara

o en occitan gascon

Reglament d’intervencion

Dens un contèxte sociolingüistic en lo quau la màger part deus parents es non bascofòna e non occitanofòna, entà assegurar l’aviéner de las nòstas duas lengas qu’es indispensable de perméter ua continuitat de l’auhèrta de servici enter los establiments d’arcuelh deus joens mainats, l’escòla e los arcuelhs de lesers, dens tots los lòcs de vita deu territòri.

Per çò qui es de la lenga basca, despuish la creacion de l’Ofici Public de la Lenga Basca (OPLB) en 2004, lo tribalh conjunt de las comunas, de l’Educacion nacionau e de l’OPLB qu’a permetut de desvolopar de manièra significativa lo nombre d’establiments escolars o immersius : 70% deus establiments de prumèr grad que son bilingües e 42% deus escolans deu primari qu’i aprenen l’euskara.

Despuish 2010, la Caisha d’Allocacions Familiaus (CAF), lo Conselh Departamentau deus Pirenèus Atlantics, l’Ofici Public de la Lenga Basca e la Mutualitat Sociau Agricòla Sud Aquitània (MSA), juntats per la Comunautat d’Aglomeracion País basco, que tribalhan sus la medisha dinamica de desvolopament de l’auhèrta en euskara dens las ninoèras deu territòri au miei deu dispositiu LEHA. Au-delà de la soa participacion au Comitat de labellizacion, la Comunautat d’Aglomeracion qu’acompanha las ninoèras volontàrias dens la mesa en plaça deus arcuelhs bilingües o en la lenga basca per un supòrt en engenheria e un finançament tà la formacion, la traduccion, la crompa de materiau pedagogic o l’organizacion de temps d’animacion en euskara.2

Atau, lo hialat de las ninoèras bilinguas e bascofònas que’s desvolòpa (28 estructuras labellizadas, sia 45% deus establiments finançats a la Prestacion Sociau Unica) mes la continuitat enter l’auhèrta d’arcuelh deus joens mainats e l’auhèrta escolara en lenga basca qu’es pas enqüèra defalhenta capvath la quasi totalitat de las olas de vita. De mei, l’avaloracion recenta deu dispositiu LEHA realizada en 2022 que hasó lutz sus ua hrèita de diversitat de l’auhèrta bascofòna, devuda au hèit que las ninoèras qui foncionavan purmèr en francés, e hèn mes aisidament la causida deu bilingüe que non pas la de l’immersiu. Actuaument, l’auhèrta immersiva en ninoèra ne pertòca pas sonque cinc establiments, mentre que 75 escòlas, sia 33% deus establiments escolars de prumèr grad de las tres cordèras, e perpausan ua auhèrta immersiva.

Tanben, despuish mantuas annadas, la dinamica de creacion de plaças navèras d’arcuelh qu’es portada per las Maisons d’Assistentas Mairaus e las microninoèras d’iniciativa e d’estatut privats, finançats a la PAJE.

Tà çò l’occitan gascon, l’auhèrta qu’es uei emergenta. La ninoèra comunautària de Bidaishe qu’auhereish, ua sensibilizacion, la formacion deus agents que permeterà au briu deu temps d’avançar de cap tà ua auhèrta mes consequenta.

Qu’es entad aquò, en complement de la promocion de l’auhèrta bilingua e immersiva dens lo hialat de las ninoèras existentas capvath lo dispositiu LEHA e l’iniciativa comunautària a Bidaishe, qu’es perpausat d’instaurar aqueste dispositiu navèth dab lo prètzhèit d’encoratjar la creacion d’estructuras navèras o plaças immersivas en basco o en occitan gascon dens los Establiments d’Arcuelh deu Joen Mainat (EAJE) e las Maisons d’Assistentas Mairaus (MAM) deu territòri.

1. OBJÈCTE

La Comunautat d’Aglomeracion País basco que pòt portar un finançament aus projèctes d’investiment qui permeten la creacion de plaças immersivas navèras en basco o en occitan gascon dens las Maisons d’Assistentas Mairaus e los Establiments d’Arcuelh deus Joens Mainats deu son perimetre.

Dens l’encastre d’un arcuelh immersiu, los mainats que son encadrats per professionaus de la petita enfança, qui an las qualificacions necessàrias e qui an au minímum lo nivèu B1 en basco o en occitan gascon e qui s’exprimeishen dens l’ua d’aquestas duas lengas tot lo long de la jornada. Los professionaus qu’utilizaràn se besonh lo francés pendent los periòdes d’adaptacion e quan ne sii jutjat necessari au plan estar deu mainat. La comunicacion aus parents que serà hèita d’ua manièra plurilingua, en francés, en basco e/o en occitan gascon.

Los projèctes sostienuts qu’averàn prumèr hèit l’objècte d’un acòrd de principi de las diferentas instàncias qui an ua competéncia tà çò de la petita enfança (CAF, MSA, Conselh departamentau/PMI, comuna se lo cas èra).

2. BENEFICIARIS

Lo dispositiu qu’es virat cap aus portaires de projècte shens but lucratiu : associacions leis 1901, comunas, o balhadors sociaus, proprietaris deu bastiment (personas moraus hòra SCI) o detentors d’un contracte de balh a tèrmi long qui’us permet de realizar òbras.

Si l’investidor n’es pas l’espleitador, l’ajuda portada per la Comunautat d’Aglomeracion País basco que deu viéner baishar lo loguèr, entà melhorar l’accessibilitat deu servici d’arcuelh entau mei gran nombre.

3. ECOCONDICIONALITAT DE L’AJUDA

La Comunautat d’Aglomeracion País basco que vòu encoratjar las granas transicions cap aus enjòcs de doman. Que vòu balhar un senhau hòrt au territòri en exigir practicas duradissas e mòdes3

constructius ecoresponsables suus projèctes que finança. Entad aquò har, qu’instaura règlas d’ecocondicionalitat.

Sonque los projèctes qui arriban a ua ecomèrca minimau de 6 punts e son elegibles ad aqueste dispositiu. Entad aquò har, solucions qui permeten de redusir l’impacte environamentau deu bastiment e/o de la gestion deu servici d’arcuelh qu’estón repertoriadas (cf. punt V. deu formulari de demanda d’ajuda a l’investiment).

4. DESPENSAS ELIGIBLAS

Las despensas eligiblas que deven estar en ligam dab un programa d’investiment pertocant :

- Categoria 1 : la construccion, l’extension, la transformacion, la renovacion e/o l’amainatjament interior de bastiments qui serveishen a l’arcuelh deus joens mainats en immersion basco o occitan gascon.

- Categoria 2 : còsta de crompa de bens immobiliaris en limitar a un montant de 600 €/m² qui pòt entrar dens las despensas eligiblas, a condicion que lo bastiment n’agi pas dejà beneficiat d’ajudas publicas.

- Categoria 3 : Despensas d’amainatjaments exteriors o de construccion (airas de jòcs, accès, parcatge…)

- Categoria 4 : Onoraris (estudis, arquitècte, autes.) ligats a l’investiment immobiliari dens lo limit de 15% de las despensas de categoria 1 e 2 eligiblas.

Las despensas non mencionadas ací dessús que son de facto ineligiblas. Ad aqueste títol, lo còst de crompa deu terrenh non bastit n’es pas ua despensa eligibla au present reglament.

5. MONTANT DE L’AJUDA

L’ajuda qui pòt estar acordada es limitada a 7400 € per plaça immersiva. L’ensemble de las plaças immersivas que poderà estar presa en compte entau calcul de l’ajuda dab resèrva que lo projècte e permeti ua aumentacion deu lor nombre. Aquesta ajuda qu’intervienerà sus la rèsta a carga deu beneficiari, deduccion hèita de las autas ajudas publicas e en lo limit de 50% d’autofinançament entà las comunas e de 20% d’autofinançament entaus autes portaires de projècte.

6. MODALITATS DE DEPÒSIT DE DOSSIÈR

Ua letra de sasina que deverà estar adreçada peu portaire de projècte au President de la CAPB qui expause brèvament lo projècte de creacion o d’extension de l’EAJE o de la MAM e lo projècte immobiliari correspondent. La sasina que deu interviéner abans lo començar d’execucion de tota despensa (hòra còsts d’estudis prumèr) jos pena d’ineligibilitat, que comportarà la presentacion de las estimas e/o l’estimatiu de las òbras elaborat per un mèste d’òbra. Un acuzat de recepcion autorizant l’aviada de las òbras que serà enviat shens prejutjar d’ua atribucion de subvencion.

Aquesta letra de sasina que serà seguida d’ua demanda de subvencion qui deverà estar acompanhada4

d’un dossièr complet (formulari hornit per la CAPB). Lo projècte que deverà a tot hòrt har estat deus acòrds de principis de las institucions competentas (PMI, CAF, MSA, comuna o CAPB) per çò qui es de l’obertura de las plaças immersivas.

7. MODALITATS DE PAGAMENT DE L’AJUDA

A recepcion deu dossièr complet, qu’es sosmetut au Conselh comunautari de la Comunautat d’Aglomeracion per decision de finançament, sus la basa d’ua instruccion realizada peus servicis de la CAPB. Se lo dossièr es retienut, ua convencion que serà establida e comunicada au portaire de projècte en tot precisar :

1/ La natura, la durada e l’objècte de l’intervencion de la CAPB.

2/ Lo montant e las modalitats de pagament de la subvencion.

L’atribucion de la subvencion que’s harà a minima en dus pagaments. La prumèra avança, sus presentacion de l’atestacion d’aviada de las òbras, ne poderà pas passar 50% deu montant de la subvencion. Entà cada demanda d’acompte suplementària, lo beneficiari que deverà sistematicament tornar a la CAPB, pleada e signada de com cau, ua demanda de pagament de subvencion acompanhada de las pèças justificativas qui segueishen : • un rendut compte escriut de l’operacion miada explicant l’estat d’avançada deu projècte ;

• la copia de las facturas aquitadas, un estat recapitulatiu de l’ensemble de las facturas o deus justificatius de despensas qui haci aparéisher, per factura o justificatiu, l’emetedor, la data, lo montant HT, lo montant TTC e l’objècte, e totalizar l’ensemble de las despensas realizadas certificadas per un comptable-expèrt

Lo montant totau de las avanças e acomptes atribuits ne poderà pas passar 80% de l’ajuda votada.

Lo sòlde de subvencion que serà proratizat sus la basa de la realizacion de las òbras e de las despensas engatjadas.

Lo pagament deu sòlde de subvencion ne poderà estar realizat qu’après instruccion deus elements transmetuts peu beneficiari, coplada a ua visita in situ de la CAPB qui permeti de validar la realizacion deus investiments, lo bon foncionament deu servici d’arcuelh en immersion, e las accions ligats a l’ecocondicionalitat de l’ajuda. En cas de non realizacion deus investiments qui torne hicar en causa l’objectiu de l’ecomèrca minimau de 6, lo beneficiari que deverà remborsar l’integralitat deus acomptes dejà tocats.

3/ Lo plan de finançament de l’operacion qui hè aparéisher l’ensemble de las despensas previstas e de las ressorças afectadas a la realizacion deu programa ajudat e mei que mei las autas ajudas eventuaument acordadas sus fons publics.

4/ Los engatjaments deu beneficiari qui pertòcan la realizacion deu projècte immobiliari ajudat e los resultats esperats. Lo portaire de projècte que deverà engatjà’s, enter autes, a mantiéner l’activitat d’arcuelh immersiu e los engatjaments environamentaus pres dens la demanda d’ajuda financiària pendent un periòde de 10 ans dens los bastiments entaus quaus beneficiarà d’ua ajuda. Manca de qué, lo beneficiari que deverà tornar versar l’ajuda tocada.5

8. MODALITATS D’EXERCICI DEU CONTRÒLE DE LAS RÈGLAS DEU CUMUL D’AJUDA

Lo beneficiari que deverà obligatòriament hornir dens lo dossièr de demanda d’ajuda ua declaracion qui precise las ajudas sollicitadas e/o obtienudas entau projècte presentat e detalhar l’ensemble de las ajudas publicas tocadas las 3 darrèras annadas

9. CONTACTE

Direccion Politica lingüistica

DGA Politica lingüistica e servicis a la populacion

Comunautat d’Aglomeracion País Basco

15 avienguda deu Maréchal Foch

CS 88507

64100 BAIONA