Offres
API
Connexion
Documents similaires
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse
Document publié le Mardi 28 mars 2023
Lien du pdf (unknown - Communauté de communes - Centre Corse)
Thèmes du document : Exploration spatiale, Affaires étrangères et coopération, Travail et emploi,
PRIMA SESSIONE URDINARIA DI U 2023
REUNIONE DI I 30 È 31 DI MARZU DI U 2023
1ÈRE SESSION ORDINAIRE DE 2023
REUNION DES 30 ET 31 MARS 2023
N° 2023/O1/029
Question orale déposée par Marie-Claude BRANCA
Au nom du groupe « Core in Fronte »
OBJET : SITUAZIONI E TENSIONI IN CORSICA : À QUANDU UNA PULITICA NOVA DI L'ESECUTIVU DI CORSICA PA UN VERU CAMBIAMENTU
CAPITU DA TUTTI ?
Dapoi un certu tempu, al di là di l’aspetti mediatichi, un clima malsanu si stalla in Corsica.
Stu clima metti in rilievu a pessima situazioni oghjinca in a quali monda paisani, ghjovani è menu ghjovani, provani di truvà a so piazza in cori d’un sistema chì :
● Avvilinighja a vita cutidiana incù logichi di spussessu fundiariu è di
spiculazioni immubiliaria;
● Crea pricarità è isulamentu par via d’una situazioni ecunomica pessima;
● Porta l’aghjenti à l’esiliu è à l’abandonnu;
● Imponi à quiddi chì travaddani a tarra à lacà la o à vendala pà pocu è nudda;
● Spacchj’à settori strategichi ecunomichi à a finanza e à a privatisazioni; ● Sradichighja lingua, cultura è populu par via d’una culunisazioni di
pupulamentu distrutrici.
Stu clima rimetti in causa l’andatura d’un dialogu chì voli andà versu un autonomia chi ùn si po difiniscia pà avali
Stu clima rimetti in causa i fundamenti è i scelti strategichi ch’aveti fattu, ancu incù altri muvimenti naziunalisti, dapoi u 2015 è chì sò stati accumpagnati da iniziativi specifichi d’una parti di a risistenza è chì oghji ùn valini più.
Hè sempri faciuli di parlà di dimucrazia quandu i fatti traducini un autoritarisimu di ogni ghjornu impostu da u culunialisimu francesu è chì port’à a suttumissioni u populu corsu. Hè sempri faciuli di pienghja pà scritturi annant’à i muri d’una casa cumuna quandu si sà chì sti lochi pulitichi sò sottumissi à i leghji di u Statu francesu, à i sò intaressi murali è matiriali è chì ùn vani micca in u sensu di u bè cumunu.
Hè sempri faciuli di cundannà comu l’ani fattu, da anni è anni, sti furmazioni tradiziunali francesi di manca è di dritta cunfruntati à l’attività d’una risistenza pupulari. Anii purtatu ancu a so voci par a riprissioni ghjudiziaria è puliziaria.
L’assenza d’una pulitica ardita, custruita in u sensu di l’intaressi cullitivi di u nosciu populu, pruvuchighja un clima di crisa. A situazioni hè accentuata da l’assassiniu di u patriottu Yvan Colonna.
Simu quant’è voi patriotti è com’ indipendentisti cuscenti chì ùn hè in u ghjornu chì si po cambià tantu è tuttu. Ma chì in una strategia, chjara di tapa è di suvranità, si pò rivoluzionà dipindenza è suttummissioni è metta u nosciu populu com’è attori principali di a so tarra ini u Mediterraneu.
Al di là di a logica di « bona guvernanza », chì i reguli di u sistema v’imponani, quandu mittareti una forti è curaghjosa pulitica à pro di l’intaressi cullitivi di u nosciu Populu intesa è capita da monda, riflitutta è spartuta da tutti quiddi chi volini falla finita incù sta situazioni storica di tralasciera generalizzata?
Vi ringraziu.