Offres
API
Connexion
Documents similaires
unknown - Communauté de communes - Centre Corse - 2022 E3 04
unknown - Communauté de communes - Centre Corse - 2023 E3 05
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse - 2025E1005
unknown - Communauté de communes - Centre Corse - 2022 E3 04
unknown - Communauté de communes - Centre Corse - 2024 E3 04
unknown - Communauté de communes - Centre Corse - 2026 E4 03
unknown - Communauté de communes - Centre Corse - 2024 E3 036
Document publié le Lundi 1 janvier 2024
Lien du pdf (unknown - Communauté de communes - Centre Corse - 2024 E3 036)
Thèmes du document : Affaires étrangères et coopération, Exploration spatiale, Travail et emploi,
3zA SESSIONE STRASURDINARIA DI U 2024
25 È 26 DI LUGLIU DI U 2024
3ÈME SESSION EXTRAORDINAIRE DE 2024
25 ET 26 JUILLET 2024
N° 2024/E3/036
Question orale déposée Mme Marie-Claude BRANCA
au nom du groupe « Core in Fronte »
UGHJETTU : PA UNA VERA PULITICA DI SALUTA PA U SUTTANACCIU.
Sgiò Prisidenti di l'esecutivu,
Madama a cunsigliera esecutiva in carica di a saluta,
Pocu tempu fà, avemu musciatu u nosciu sensu di u bè cumunu difindindu d’una sola voci u mantinimentu di l’alicottaru di a Sicurità Civila d’Aiacciu « Dragon 2A ».
Stu mantinimentu hè impurtantissimu, ma duvimu tena dinò contu ch’eddi fermani altri prublemi à risolva.
Sti prublemi di trasporti aerei medicali si ponini particularment’in u Suttanacciu.
Ci voli à sapè chì parechji lochi induva ghjunghji l’alicottaru ùn rispettani i reguli di l’attuali DGAC, fora di quiddu di u Centru Spidalieru Aiaccinu.
Ben sicura sta situazioni custituisci un blucchimi pà u SAMU chì ùn pò utilizzà di un HeliSMUR.
L’usu di st’ alicottaru spicializatu parmittaria a rializazzioni d’intarventi primari in i lochi specifichi è riferiti di Corsica, ma ancu, trasferimenti tra spidali.
U cuntestu attuali metti in rilievu chì si l’urgenza medicali hè una priorità, l’usi di l’elicotteri pà missioni chì ùn sò di u medicali porta assai tensioni pà u SAMU chì par avali ùn hà nisciun mezzu aereu pà l’urgenzi di natura vitali. L’ultima ispizzioni ginirali di u SIS 2A hà rilivatu a forti prissioni nantu à u Dragon 2A chì hè resu indispunibuli assai tempu pà via di i sò altri missioni, trà i quali i trasferimenti spidalieri.
Ci voli di sapè dinò chì pà a Corsica, specificamenti quidda suttana, l’alicottaru di a Ghjendarmaria Naziunali francesa ùn assicureghja micca missioni di trasferimentu tra spidali.
Oghji si cunoscini i sciffri di i missioni cutidiani di l’alicottaru « Dragon 2A » in u sittori di a saluta.
Ramintemu dinò chi u stadiu di Portivechju indù si cala l’alicottaru pà a clinica di u Spidali hè fraquintatu da monda spurtivi è sculari. È puri ci hè un altru locu vicinu, dighjà studiatu è cunvalidatu da i piloti di a Sicurità Civili.
D’altrondi sapemu chi l’aeroportu di Figari un hè usatu di notti pà urganizà evacuazioni sanitari, parchì i cuntrulori aerei sariani pochi par assicurà stu serviziu.
Quantunqua piuttostu chì di viaghjà in vittura sin’à l’aeroportu d’Aiacciu, ùn saria più utili di parta da Figari vicinu, pà andà quandu si poni u prublema à u CHU di Nizza o di Marseglia ?
Saria cundannatu u Suttanacciu è più particularmenti u Fretu à stu svillupu ecunomicu di tuttu turisimu, à dannu di a saluta par tutti ?
Par quissu vi dumandemu :
Pudeti ingaghjà i scambi nicissari incù tutti i stituzioni cuncirnati (Cumuna di Portivechju, Aghjenzia Rughjunali di a Saluta, Prifittura francesa, ecc…) pà a missa in norma DGAC di un tarrenu vicinu à a clinica di u Spidali ?
Pudeti ingaghjà i scambii nicissari incù tutti i stituzioni cuncirnati (CCI, Cumuna di Figari, Aghjenzia Rughjunali di a Saluta, DGAC, Prifittura francesa ecc…) pà metta in ballu u sirviziu d’evacuazioni medicali di notti nant’à l’aeroportu di Figari ?
Infini, à quandu mai un HeliSMUR pà a Corsica ?
Ùn vulemu chì i paisani di u Fretu è di l’Alta Rocca, sighini pidat’in ustaggiu par via di prublemi di gistioni finanziari
Vi ringraziu.