Offres
API
Connexion
Documents similaires
unknown - Communauté de communes - Centre Corse - 2022 E3 04
unknown - Communauté de communes - Centre Corse - 2023 E3 04
unknown - Communauté de communes - Centre Corse - 2023 E3 05
unknown - Communauté de communes - Centre Corse -
unknown - Communauté de communes - Centre Corse - 2023 E3 04
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse - 2022 E3 041
Document publié le Samedi 1 janvier 2022
Lien du pdf (unknown - Communauté de communes - Centre Corse - 2022 E3 041)
Thèmes du document : Affaires étrangères et coopération, Exploration spatiale, Logement,
SECONDA SESSIONE URDINARIA DI U 2022
RIUNIONE DI I 30 DI GHJUGNU E PRIMU DI
LUGLIU DI 2022
2EME SESSION EXTRAORDINAIRE DE 2022
REUNION DES 30 JUIN ET PREMIER JUILLET
2022
REPONSE DE MONSIEUR DOMINIQUE LIVRELLI A LA QUESTION DEPOSEE PAR
MADAME MARIE-CLAUDE BRANCA AU NOM DU GROUPE CORE IN FRONTE
Objet : Riurganizzazioni et sviluppu di a CDAF (Commission départementale
d’aménagement du foncier)
Signora Cunsigliera,
Com’è l’aveti mintuvata, cù a criazioni di a Cullittività unica sò scumparsi i cummissioni
dipartimintali d’accunciamentu fundiariu (CDAF), chì i so pruciduri erani sottu à a rispunsabilità di i
dipartimenti.
Pà a missa in anda, oramai sottu à l’egida di a Cdc, di a « Cummissioni d’Accunciamentu fundiariu di
Corsica », sò stati fatti i dumandi di disignazioni pà i membri da numinà fora di l’Assemblea di Corsica
è chì devini participà à quilla istanza, chì hè cumposta sionti l’articulu L 128-3 di u Codici rurali :
- Un cummissariu d’inchiesta disignatu in accordu da i prisidenti di i tribunali ghjudiziarii
d’Aiacciu è di Bastia
- 8 cunsiglieri à l’Assemblea di Corsica
- 6 parsoni qualificati disignati da u Prisidenti di u Cunsigliu esecutivu
- 4 merri disignati, dui da l’associu di i merri di Pumonti è dui da l’associu di i merri di Cismonte ;
- U Prisidenti di a Camara righjunali d’agricultura di Corsica è i Prisidenti di i Camari dipartimintali
d’agricultura o u so raprisintanti ;
2022 / E3/041 - I Prisidenti di l’urganizazioni sindicali di i ghjovani agricultori è di ogni urganizazioni sindicali di
l’agricultori ;
- U Prisidenti di u Cunsigliu righjunali di i nutari ;
- Dui prupiitarii affittadori, dui prupiitarii sfruttadori, dui sfrutttadori lucatarii, disignati da u
Prisidenti di u Cunsigliu esecutivu di Corsica ;
- Dui raprisintanti di l’associ agraditi in materia di prutizzioni di l’ambienti ;
- U Prisidenti di l’Uffiziu di sviluppu agriculu di Corsica.
Di fatti v’accertu chì a stallazioni di sta cummissioni hè privista in corsu di st’annata, subbitu da chi
l’insembu di sti membri, in particulari quilli da fora di a nostra Assemblea, sarani stati numinati.
Soprattuttu, al di là di a vostra dumanda, vulariu incalcà certi punti :
- Prima, riaccirtà a nostra primura par ‘ssa dimarchja chì pirmittarà à a CdC d’intarvena in u
duminiu di l’accunciamentu fundiariu rurali, cù u fini di migliurà i cundizioni di sfruttamentu di
i prupiità agriculi o furistieri, di assicurà a missa in valori di i spazii naturali campagnoli, è di
cuntribuì à l’assestu di u tarritoriu cumunali è intercumunali comu difinitu in i piani lucali
d’urbanisimu è i carti cumunali :
- Vali à dì, tuttu què participendu à a mubilizazioni di u fundiariu agriculu cun scopi di
pruduzzioni, in leia cun l’uriintazioni di a nostra Cullittività in materia di prutizzioni è di missa
in valori di quilli spazii, com’è privista da u PADDUC.
- Dopu, insista nantu à u fattu chì ci tuccarà à metta in opara l’insembu di i prirugativi attaccati
à sta cummissioni, frà altru :
o Pruciduri di rimembramentu di i tarri (chì si chjama oramai accunciamentu fundiariu
agriculu è furistieru : AFAF) ;
o Scambii è cissioni à l’amichevuli d’immubiliari rurali ;
o È dinò pruciduri di ricuperu di tarri inculti, à titulu individuali ma soprattuttu in un
quatru cullittivu, in leia cù i cullittività lucali, cun basa di l’invintariu di i tarri à guaru,
chì a so missa in opara dipendi di a CTPENAF (art L. 125-5 di u codici rurali), com’ella
s’hè fatta à l’isula di a Riunioni, par un dittu.
- Infini, rammintà chì in u cuntestu di disestu fundiariu storicu in certi tarritorii rurali, a quistioni
di a riurganizazioni di u fundiariu cumanda una pulitica strutturali più larga, ch’è no t’avaremu
da discuta cù u Statu : chì mezi, chi calindariu, chì fiscalità, chì trasfirimentu di cumpitenzi par
livà infini stu prublema chì custituisci un frenu à l’attività icunomica, à a prisirvazioni di i nostri
rughjoni è à u sviluppu di a nostra agricultura.
Eccu l’elementi ch’e vuliu accustà pà risponda à a vostra dumanda.
Vi ringraziu.