Offres
API
Connexion
Documents similaires
unknown - Communauté de communes - Centre Corse - 2026 O1 00
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse
Document publié le Jeudi 16 avril 2026
Lien du pdf (unknown - Communauté de communes - Centre Corse)
Thèmes du document : Affaires étrangères et coopération, Guerre en Ukraine, Union Européenne,
1MA SESSIONE URDINARIA DI U 2026
REUNIONE DI I 20 È 21 D’APRILE
1ère SESSION ORDINAIRE DE 2026
RÉUNION DES 20 ET 21 AVRIL
N° 2026/O1/009
Question orale déposée par Mme Véronique PIETRI
au nom du groupe « Core in Fronte »
OBJET : PREZZI DI L'ESSENZA È VITA CARA : CHÌ NOVI MISURI ?
A situazioni di crisa ch’è no patimi oghji in Corsica, par rapportu à u prezzu di i
carburanti, ùn si pò micca cunsiderà cum’è un episodiu isulatu.
S’inscrivi, hè vera, in un cuntestu geopuliticu più cà prioccupanti, in particulari in u
Mediu Urienti, ma rivela soprattuttu una rialità più prufonda : quidda d’una
dipindenza strutturali di i prezzi incù u sistema ecunomicu è puliticu francesu,
cunnisciutu dapoi decennii è mai currettu.
U blucchimu di i porti da i piscadori, raghjunti da l’agricultori, hà mustratu una
situazioni divintata insuppurtevuli pà l’insembu di i prufessioni è u populu.
I primi risposti purtati fermani limitati in u fondu è in u tempu, è interroganu nant’à u
trattamentu di fondu. È certi misuri, cum’è a pulitica di i prezzi da Total Énergies ani
ancu fragilizatu i picculi rivinditori indipendenti, accriscendu i squilibrii.
À tempu, missioni parlamentarii sò annunziati.
U prublema va al di là di i carburanti. A vita cara in Corsica hè una rialità strutturali,
ligata à sta dipindenza ecunomica marcata da a cuncentrazioni di l’attori, situazioni
di marcatu dettu « captif » è una mancanza di rigulazioni adattata. Dispusitivi asistini
quantunqua in altri territorii isulani detti francesi, in particulari cù a leggi “Lurel”, chì
parmette una rigulazioni diretta di i prezzi è di i marghjini. Ma a Cullittività di Corsica ùn hà oghji tutti i cumpitenzi nicissarii pà agiscia comu ci
voli. Ciò chì rimanda dirittamenti à a quistioni di l’evoluzioni stituziunali aspittata, chì
parmetti d’adattà i reguli à a rialità di u nosciu paesi.
In stu cuntestu, ch’aspittati cuncretamenti di i missioni parlamentarii annunziati
parchì i rialtà di a Corsica siani viramenti presi in contu ?
Al di là di i primi misuri à cort’andà ch’eti pigliatu par risponda di manera pusitiva à
l’urgenza, chi altri iniziativi cuntati piglià par rinfurzà di manera strategica sta pulitica
di prezzi nant’à l'essenza è à vita cara ?
Vi ringraziemi.