Offres
API
Connexion
Documents similaires
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse - QO2024O1018
Document publié le Lundi 1 janvier 2024
Lien du pdf (unknown - Communauté de communes - Centre Corse - QO2024O1018)
Thèmes du document : Affaires étrangères et coopération, Économie et finances, Espaces terrestres et maritimes,
PRIMA SESSIONE URDINARIA DI U 2024
REUNIONE DI I 25 È 26 D’APRILE DI U 2024
1 ÈRE SESSION ORDINAIRE DE 2024
RÉUNION DES 25 ET 26 AVRIL 2024
N° 2024/O1/018
Question orale déposée par M. Saveriu LUCIANI
Au nom du groupe « AVANZEMU »
UGHJETTU : PATRIMONIU CORSU : DA A DIFESA TURREGIANA A
L’ESIGENZA DI MEMORIA L’IDENTITA NAZIUNALE
Sgiò Presidente di l’Esecutivu,
A simana scorsa, si sò intese tante reazzione pulitiche ingiru à a vendita è u scopu d’appigiunamentu di a torra di Tuminu. Parechji partiti, sindicati è associ anu sustenutu a deliberazione curagiosa di a cumuna di Tuminu chì s’hè opposta di pettu à stu prugettu privatu.
Megliu cusì, ma ci sia cuncessa d’interrugacci per sapè à quale tuccherà a prussima volta.
Chì per avà, nisun’ cullettività ùn hà propiu i mezi, ghjuridichi quant’è finanziarii, d’impedisce o d’acquistà tanti è tanti bè oramai ruvine, à guaru, o prupietà private, for’ di u patrimoniu naziunale, forse per via di scosse vechje, erede d’una storia paisana forse trascurata, intrecciata, inturcinata, intrisicata o sippuru trascurata.
Quì si tratta d’un edifiziu storicu è militarescu, specificu d’un puntu di vista memuriale è architetturale. Di questi, n’hè pienu u nostru paese. Ma impatruniscesi di ste petre chì palesa i seculi di lotte è di vita d’un populu in qu’à è in là, à spizzichi, ùn basta propiu micca. A sapemu noi tutti calati in st’emiciculu cum’è a si pensanu eletti, militenti associativi o pulitichi fora, cum’è a ponu bramà tant’altri, cittadini o paisani, chì pratendenu à u mantenimentu è à u spannamentu di a ricchezza patrimuniale, storica, culturale è ambientale.
Ma ùn ne simu digià più à u simbulu di Tuminu, n’è mancu à ramentà a difesa torregiana ! Capimuci bè per capisceci megliu : Ancu s’è l’acqua passata ùn macina più, ci pare utule per ricurdà à tutti a necesità di riacquistà, riabbilità è mette in valore, inghjilocu, in Capicorsu o in altrò, stu patrimoniu materiale è immateriale. ne vogliu vene à ricurdà solu fundami sacri, chì dicenu ch’ella ci hè quì una nazione ch’hà da rinasce, è ch’hà bisognu d’una strattegia subbitagna, à nome di resistenza è d’esistenza d’un populu vivu.
Abbisogna quì è avà l’ambizione d’una strada per turnà à impatrunisceci di a memoria, cù ogettivi è mezi finanziarii d’altu livellu.
L’attesa hè vechja ma u tempu corre è ùn aspetta…
O sgiò presidente, intantu, u bisognu d’essezza hè à mezu chjosu : chì cuntate di fà, prima à titulu cusì dettu cunsirvatoriu, ma, più in là, allocc’à a mudifica bramata è sperata d’un statutu d’autunumia, per dà un avviu decisu è putente à l’operata patrimuniale ?
U Riacquistu cantava in lu 1979 « sta Terra hè a nostra, nisun ci pò pretende, ormai ùn hè à vende, ùn vale à pattighjà ». Sin’à quandu ?