Offres
API
Connexion
Documents similaires
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse
Document publié le Vendredi 14 novembre 2025 à 20h37
Lien du pdf (unknown - Communauté de communes - Centre Corse)
Thèmes du document : Ruralité, Enseignement supérieur, Exploration spatiale,
PRIMA SESSIONE URDINARIA DI U 2019
1ère session ordinaire de 2019
28 è 29 di Marzu
28 et 29 mars
2019/O1/021
Question déposée par Anne Tomasi
au nom du groupe Partitu di a Nazione Corsa (PNC)
Objet : e prublematiche di l’insignamentu in u mondu paisanu
O sgiò Presidente di u Cunsigliu Esecutivu,
Madama a cunsigliera esecutiva in carica di l’insignamentu,
Un mese fà, st’assemblea hà vutatu una muzione cuncernendu e dutazione urarie, in rispos- ta à u prublema ch’elli scuntravanu i picculi cullegi di u rurale : quist’annu Vicu è Cervioni, l’anni passati Moltifau, Livia, … è forse quist’annu chì vene Petretu o Luri. Sta muzione ùn era micca a prima, è ancu s’ella hè un peccatu di pensalla, ùn pensu micca ch’ella serà l’ultima. Era soprattuttu una risposta diretta è spuntanea à un prublema urgente.
Ma a prublematica di l’insignamentu in u rurale hè bella più larga chì quella scuntrata in sti cullegi…
A sapemu, u nostru internu s’hè spachjatu, è calanu dunque l’effettivi di e nostre scole.
In u primariu, si sò chjose e piccule scole, è zitelli sò obligati à fà a strada per truvà una scola aperta. Quand’ella si sà ch’ella hà da diventà ubligatoria a scola per i chjuchi, ci pò ghjungh- je u penseru à l’idea di fà fà à un zitellu di trè anni sin’à un ora à ghjornu di vittura per esse scularizatu.
In i cullegi, si perdenu l’ore, cù e cunsequenze chè no cunniscimu à nantu à u pedagogicu (prugetti sacrificati, classe bislingue chjose, messa in cuncurrenza di e discipline, …).
E dificultà di trasportu facenu chì un sculare di 2ndu gradu s’arriza à spessu à 6 ore di mane per esse à u cullegiu o à u liceu à 8 ore, è volta in casa à 6 ore di sera, o ancu 7, troppu stancu per fà i so duveri in cundizione bone. In u rurale, hè più difficiule di fà scopre a cultura o a storia : i musei, i teatri, i sinemà sò per a maiò parte in cità, è dunque più luntanu di i stabbilimenti rurali. Hè più difficiule d’insignà u sportu : e strutture spurtive sò à spessu menu numerose (per esempiu e piscine). Hè dinò più difficiule di truvà rimpiazanti, o intervenanti, o assistanti stragneri per fà scopre e lingue, … Per compie, l’urientazione sculare si face di più in funzione di e furmazione dispunibbule vicinu chè di e brame di u zitellu, o di u so avvene.
A salvezza di i nostri paesi di l’internu ùn si pò passà d’una riflissione glubbale à nantu à l’insignamentu in u rurale. Sta riflissione deve assucià tutti l’attori di l’educazione : l’Educa- zione Naziunale, i prufessori, i capistabilimenti, i sculari, i so parenti, i centri di furmazione prufeziunale, l’Università, e cumune, … è bella sicura sta Cullettività.
A nostra quistione oghje hè dunque : chì pensate di a pussibilità è l’utilità d’urganizà « Scontri di l’educazione in u rurale », per purtà sta riflissione tutti inseme è pruvà à sbuccà à nantu à misure forte chì cambieranu in prufundezza u mudellu ?