Offres
API
Connexion
Documents similaires
unknown - Communauté de communes - Centre Corse -
unknown - Communauté de communes - Centre Corse - rqo 2025O2
unknown - Communauté de communes - Centre Corse - RQO 2023 E
unknown - Communauté de communes - Centre Corse - RQO 2023 O
unknown - Communauté de communes - Centre Corse - RQO 2023 O
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse - rqo 2025O267
Document publié le Mercredi 1 janvier 2025
Lien du pdf (unknown - Communauté de communes - Centre Corse - rqo 2025O267)
Thèmes du document : Affaires étrangères et coopération, Mode, textile et habillement, Union Européenne,
REPONSE DE MONSIEUR GILLES SIMEONI
A LA QUESTION DEPOSEE PAR MONSIEUR JEAN-NOEL PROFIZI
AU NOM DU GROUPE « CORE IN FRONTE »
OBJET : Par a difesa di i dritti di l'anziani prighjuneri pulitichi
Aghju da risponde in corte parolle, à tempu à a vostra quistione, vi ne ringraziu, è à a dumanda di a nostra cullega Verunica Pietri per raportu à a nuzione di populu corsu.
U populu corsu, hè à u core di u nostru impegnu dipoi sempre, emu sceltu una strada attraversa a revisione custiziunale chì ghjè una tappa impurtante di a lotta di u nostru populu pè a so ricunniscenza.
È dunque ci vole à circà, francà ssu passu u più prestu pussibile pè permette ci d'avè i primi mezi di a nostra salvezza, aviamu privistu, vi n'arricurdate a muzione era stata vutata di lugliu duiemille è vintitrè di fà ricunnosce u populu Corsu ind'è un accordu puliticu chì daretu saria statu custituziunalizatu. Ùn hè micca issa strada chì hè stata scelta per un mumentu, ma l'ozzione ferma sempre ind'è e nostre mente.
Per rivene nantu à a quistione di i prigiuneri pulitichi hè una quistione di primura pè u muvimentu chì vo riprisintate ma diciereghju chì ghjè una quistione di primura pè tutti i naziunalisti è aldilà di i naziunalisti pensu chì ss'assemblea hà avutu l'occasione à parechje riprese di sprime di manera ufficiale è unanima a so vulintà d'integrà a quistione di a resoluzione di u cunflittu ind'è tutti i so aspetti, ind'è a suluzione glubale chè no cerchemu da custruisce.
Dunque simu stati inseme pè purtà issa rivindicazione è saremu inseme ind'è e simane è i mesi à vene pè fà ch'ella sia pigliata in contu.
Pè allargà un pocu u prupostu, pensu chì dipoi qualchi simana ci sò stati parechji segni chì ci devenu inchietà o omancu interrugà.
2025/O2/067 Ùn rivengu micca nantu à a decisione di a ghjustizia di rimette in libertà un militante sustinutu da Cor in Fronte, di sicuru ne simu sudisfatti per ellu, per a so famiglia è per noi tutti.
Ma aldilà di ssu fattu ghjudiciariu ci hè ciò chì si passa à livellu puliticu.
Allora hè vera chì ci pò esse a scusa di a situazione pulitica glubale in Francia chì ghjè torbia è chì forse hà impeditu i rispunsevuli di u guvernu, di i guverni, di rispittà u calendariu ch'era statu adupratu.
Ma u fattu si stà chì ci sò stati parechji signali negativi.
U primu hè u fattu chì a parolla data da u Ministru di a ghjustizia quand'ellu hè venutu in Corsica, ùn hè micca per u mumentu rispittata.
A parola data era di trattà u prublema di u FIJAIT attraversu una lege specifica per i Corsi.
Hà pigliatu iss'ingagiamentu, l'hà pigliatu davanti à mè, l'hà pigliatu davanti à u vostru capigrupu è l'hà pigliatu davanti à l'eletti di l'Assemblea, cumpresa a presenta Assemblea di Corsica.
Dunque di sicuru ind'è i ghjorni à vene averemu à ramintà à u Ministru e so prumesse.
Aldilà di l'affare di i prigiuneri pulitichi ci hè statu a decisione, resa pubblica, d'ùn dà micca seguita à a lagnanza o più esattamente à l'infurmazione data nant'à u fundamentu di l’articulu 40 da i dui diputati à l'epica Laurent Marcangeli è Jean-Félix Acquaviva nant'à l'inchiesta di Yvan Colonna.
Ssa risposta di l’istituzione ghjudiciaria ùn ci pò micca cunvene.
Simu numarosi à pinsà chì ùn ci hè micca statu sinu à oghje a vulintà di l’istituzione francese di permette di capisce ciò chì s'hè passatu ind'è ss'affare, chì ghjè un affare gravissimu è dunque più chè mai tengu da rammintalla ci vole ch'ellu ci sia, per Yvan Colonna è per a so famiglia, a ghjustizia è a verità.
U terzu puntu face parte di l'attualità, ne vogliu micca parlà di manera longa avà, ne parlaremu, emu privistu à a vostra iniziativa, Signora Presidente, una riunione di i presidenti di gruppu nanzu di parlà ne davanti à l'Assemblea, a decisione, resa pubblica, chì ghjera privista di caccià da u ghjornu à u lindumane u Rettore Rémy Paolini di u so postu, ùn pò esse capita chè cum’una decisione pulitica.
Una decisione pulitica contru à un funziunariu, ma aldilà di u funziunariu contru à a pulitica messa in ballu sottu à l'auturità di u Rettore.
È ind'è u quadru di issa pulitica ci hè, a sapemu tutti, a piazza ricunnisciuta infine da u sistema educativa à a lingua corsa è a necessità d'un sistema educativu pubblicu urganizatu ingiru à e nuzione di i bislinguisimu è d'insignamentu immersivu.
Quartu, è ultimu puntu, chì ci deve inchietà emu pigliatu cunniscenza di a pruposta di calendariu istituziunale fatta da u Guvernu à u Parlamentu è emu nutatu, incù surpresa è inchietudine, chì per u mumentu a quistione di a revisione custiziunale di a Corsica ùn hè micca scritta à l’agenda parlementariu allora chì l'ingagiamentu cuntrariu era statu pigliatu da u Guvernu.
Ultimu puntu, ma ne parleremu, ci avverimu ind'è parechji cartulari ecunomichi è suciali chì allora chì simu ind’una situazione detta «d'affaires courantes » induve l'affari publichi di u Guvernu è di u Statu devenu esse accumpagnati senza decisione pulitiche, chì ci sò e decisione pulitiche non dette chì vanu contru à e decisione di l’Assemblea di Corsica. È què face dinù un grossu prublema.
Dunque a sapete aghju da avè l'occasione di scuntrà nurmalamente a simana prossima u Ministru di i Trasporti pè e quistione, frà altre, di cuntinuità territuriale è di fiscalità ecologica aduprata à e specificità d'un territoriu isulanu, hè aghju da scuntrà dinù u Primu Ministru.
Dunque sarà per mè l'occasione, à nome nostru, di parlà di tutti st'affari, è spergu, è dumandaraghju, chì e scelte di u Guvernu è di u Statu sianu chjare è ch'elle sianu ind'è u solcu di l'ingagiamenti chì sò stati pigliati, ch'ellu sia ind'è u quadru di a revisione custituziunale, ind'è u quadru di a presa in contu di l'interessi economichi è suciali di a Corsica è di u populu Corsu, o ch'ella sia ind'è u quadru chì hè di primura maiò pè noi tutti di u regulamentu definitivu di a quistione di i prigiuneri pulitichi.