Offres
API
Connexion
Documents similaires
unknown - Communauté de communes - Centre Corse - QO2025E404
unknown - Communauté de communes - Centre Corse -
unknown - Communauté de communes - Centre Corse - 2026 O1 01
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse
Document publié le Jeudi 16 avril 2026
Lien du pdf (unknown - Communauté de communes - Centre Corse)
Thèmes du document : Affaires étrangères et coopération, Travail et emploi, Union Européenne,
1MA SESSIONE URDINARIA DI U 2026
REUNIONE DI I 20 È 21 D’APRILE
1ère SESSION ORDINAIRE DE 2026
RÉUNION DES 20 ET 21 AVRIL
N° 2026/O1/015
Question orale déposée au nom du groupe « Core in Fronte »
OBJET : LINGUA CORSA
Sgiò Prisidenti,
U STC Educazioni hà dumandatu pocu fà una audienza à u Primu ministru francesu
è annuncia azzioni pà difenda Scola Corsa.
Sta situazioni metti torna in risaltu una rialità ch’e no cunniscimi tutti quì : malgradu a
so efficacità è l’adesioni ch’eddu porta, l’insignamentu immersivu in lingua corsa
ferma ghjuridicamenti fragilu, dipendenti da dicisioni presi fora, senza vera
securizazioni durevuli.
Quandu un anzianu ministru di l’educazioni parla di scoli “micca ligali” è
“incustituziunali”, è ancu di ziteddi chì si “denunziani”, si vedi bè chì u prublema ùn
hè micca pedagogicu, ma puliticu. Hè una vera offesa fatta à i nostri scoli, à i nostri
ziteddi è à a nostra lingua. Hè soprattuttu a prova d’una scunniscenza prufonda di i
nostri scoli è d’una visioni chì cuntinueghja à oppona lingua corsa è lingua francesa.
È daretu à i so spiicazioni di ghjovi scorsu cunfirma un disprezzu pà a lingua corsa è
pà i Corsi.
U Statu rifiuta u so rollu è cuntinueghja à cuntestà i mezi missi in piazza da a
Cullettività davanti à u tribunali.
Da quì, parechji dumandi si ponini.
Prima, à chì ni semi di stu ricorsu nantu à u finanziamentu di Scola Corsa fattu da u
Prifettu ? Dopu, di pettu à l’iniziativa di u STC, a nostra Assemblea devi piglià una pusizioni
pulitica.
Sariati prontu à prupona à st’Assemblea u votu d’una risuluzioni di sustegnu par dà
un appoghju stituzionali forti à sta mubilizazioni ?
Infini, seti oghji u rifarenti puliticu di a Cullettività nantu à a lingua corsa. In a
perspettiva di a vostra partenza di a prisidenza di u Cunsigliu esecutivu, ci pudeti dì
chì cuntinuità sarà assicurata nant’à stu cartulari, è quali purtarà dumani, a
rispunsabilità di a pulitica linguistica ?