unknown - Communauté de communes - Centre Corse - R202002043

Documents similaires

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse - R202002043 Document publié le Vendredi 14 novembre 2025 à 18h27 Lien du pdf (unknown - Communauté de communes - Centre Corse - R202002043)Thèmes du document : Pêche et métiers de la mer, Banque, Espaces terrestres et maritimes, 2020/O2/43

REPONSE DE MONSIEUR SAVERIU LUCIANI

A LA QUESTION DEPOSEE PAR MONSIEUR PETR’ANTONE TOMASI AU NOM DU GROUPE « CORSICA LIBERA »

OBJET : Insignamentu immersivu

Caru Presidente, cari cunsiglieri,

Ùn vi possu chè ringrazià quì stamane, prima per l’usu di sta lingua in l’emiciculu, locu sacru ch’aspetta anch’ellu l’immersione, micca in detti ch’ùn hè manc’à pena un’affare di scola o una disciplina sculare spargugliata in u spartitempu qualunque. Si tratta d’ogettivu sucetale è circaraghju tandu à di davvi à l’accorta, è mi dispiace di taglià arrochju, elementi cuncreti è palesi di travagliu ma dinò ciò ch’è n’appruntemu.

A dicu chì a vostra dumanda casca à tappu postu ch’ellu si ghjunghje à fine di CPER è ch’ellu si tratta di prupone una cunvenzione lingua corsa per u 2021.

Sapete bè chi st’ultimi 3 anni, l’immersione hè stata a nostra scumessa, è vi ricordu e prime aperture, in lu 18, d’A Ghisunaccia, Pontenovu è Aiacciu (scola Andria Fazi).

Spartimu inseme l’idea ch’ella ferma oghje ghjornu u modu pedagogicu u più efficiente di l’amparera d’una lingua. A Cullettività punta è aiuta ogni prugettu è stu bugettu riprisenta quist’annu più d’un terzu di u bugettu di a Direzzione Lingua Corsa, vale à dì più d’un milione è dui d’euri, da i centri d’immersione à e case di a lingue passendu per e materne immersive.Ma femuci un passu in daretu, ùn si sà mai, per quelli chì magaru si scordanu di a rivindicazione nostra, quella chì in u 2016 hà strappatu u sperimentu di l’immersione in a scola publica, u cuncorsu di l’agregazione di corsu è stu pianu maiò di furmazione di i maestri. Sò acquisti fundamentali di a nostra mandatura. Quesa à vulià dì.

Allora salutate i mezi dati à i centri d’immersione. Eiu vi parlu di sti 18 milioni di l’ultimu CPER è omancu altr’è tantu per quellu ch’è no simu in traccia di neguzià cù u statu. Ma di piu chè soldi, sò i passi chì contanu è chì ci impremenu.

Bucugnà è i passi minuti. Quì dinò car’amicu, seremu torna d’accunsentu, è vi rimandu à a mo intervista fatta di settembre. Furmazione di centinaie di maestri ma un’immersione più chè timica.

È puru ùn manca u nostru sustegnu : più d’un mezu milione per i 4 centri, in particulare Savaghju è Bastelica, duve i sughjorni sò finanzati à 100 per 100 per tutti i sculari.

Eri, per un dettu, ate vutatu una dutazione di 4 000 € per l’apertura d’una filiera immersiva in scola materna di Bucugnà, cù un dispusitivu ch’ùn era integratu sin’à mente à avà à u rigulamentu d’aiuti.

Più in là, neguziemu, ma certi forse ùn la sanu, per ch’ellu smarischi u sperimentu è ch’ellu sia ufficiale in scola materna. Dumandemu una furmazione adatta è più forte per l’insignanti chì s’impegnanu in l’immersione, à nome di a qualità, accumpagnendu dinò l’ATSEM chì travaglianu in sse scole.

Stu scopu d’integrà a pratica di l’immersione ind’a furmazione di i prufessori di scola hè scrittu à l’ordine di u ghjornu di u prussimu CAT cù a Rettrice.

Dumanderemu in u CPER à vene a creazione di 2 centri novi. In u frattempu, travagliemu à a valutazione, è amu elaburatu è prupostu à l’EN un quistiunnariu per l’insignanti, da pudè valutà u so funziunamentu.

Infine, perchè ch’ùn ci piantemu à e dispusizione di l’Educazione schietta, sappiate chì per u prussimu CPER dumandemu posti d’animatori linguistichi in sti centri travagliendu piglienduli in a squatra di l’intervenenti LCC ch’anu fattu tantu è tantu dipoi 20 anni è chì ùn trovanu sboccu prufesiunale per avà.

Ma aldifora, pensendu à ricurdavvi quì a rivindicaziona d’una lingua ufficiale, cuntinuemu u prucessu di cuuficialisazione à modu nostru, guardendu u latu sucetale.

9 case di a lingua quist’annu, 540 k€ è una decesima, una casa virtuale, cù una presenza territuriale accertata. Pianu cù i media, duppiame(terminator), festa di a lingua, tir’avant’è tocca è stu pocu una campagnata di prumuzione di a lingua è l’inchiesta per a trasmissione.Parlate di filiere « sferenziate », parleraghju eiu di sti rimpiazzamenti di prufessori cù cuntrattuali, a suluzione, un cuncorsu unicu di Prufessori di e Scole è basta!

Parlate di lingua minurata, ate a ragiò ; Mi pare propiu di primura di turnà à ripete ch’ella ùn hè manc’à pena una lingua regiunale, d’altronde e cusì dette lingue regiunale ùn anu micca statutu. U corsu hè una lingua naziuale è minurataria d’Auropa.

Tandu capiscerete megliu ch’e lasceraghju à Gouraut è u Senatu, à ipparalde, per una volta, per divvi chì quì ùn s’hè oppostu nimu à l’apertura di Bucugnà ma ch’elle sò l’iniziative chì mancanu.

Ùn averemu bisognu d’andà à visità l’ikastola per a decesima volta o a canta a canzona di u trenu. A corsica tene u so destinu, è ùn hè micca un laburatoiru. Ghjè, sentitemi bè, è vi ferà piacè, a sò, una nazione da turnà à fà, cù una lingua per tutti.