unknown - Communauté de communes - Centre Corse

Documents similaires

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse -

unknown - Communauté de communes - Centre Corse Document publié le Mardi 23 juillet 2024 Lien du pdf (unknown - Communauté de communes - Centre Corse)Thèmes du document : Affaires étrangères et coopération, Union Européenne, N° 2024/E1/029

Question orale déposée par Mme Véronique PIETRI

Au nom du groupe « CORE IN FRONTE »

OBJET : LUTTÀ CONTR'À A PUVERTÀ, A PRECARITÀ È A MISERIA DI A

NOSTRA ZITEDDINA È GHJUVENTÙ

Ognunu cunosci sta parodda, à pro di a ghjuventù : « Studià hè libartà ».

Pudaremi aghjunghja, parchì hè scopu d’una sana sucità, d’una vera filosofia, è d’un prughjettu d’avvena : A libartà hè di pudè campà è travaglià in tarra soia.

Si sà oghji chì 63 000 ziteddi è adulescenti campani in Corsica.

Si sà dinò chì un ziteddu o un adolescenti nant’à quattru campa in famiglia in situazioni di puvertà.

Si sà chì a Corsica hè u “rughjoni u più povaru di a Francia Metropolitana”.

Si sà dinò chì trè risidenti nant’à quattru campani in un tarritoriu dettu pricariu.

Un smintichemi dinò chì par sta puvertà :

- Sò più tuccati i più anziani ;

- Hè supariora par ogni genaru di pubblicu ;

- Hè più forti in a ruralità isulata ;

Di fattu poni u prublema ch’e no pattimi tutti, è di a nostra capacità, ancu par via di sta culletività, di metta in ballu forti iniziativi, da parmetta :

- D’una parti di marghjinalizà stu fenomenu suciali è sucitali

- D’altra parti di custruì i cundizioni d’una vera ghjustizia suciali pà tutti, particularmenti par quiddi numarosi, ziteddi è ghjovani tuccati.

Sapemi bè chì a ridistribuzioni di i richezzi hè menu virtuosa in Corsica cà in Francia.

U scopu maiò, par noi chì ci pratindimi patriotti, à prò di stu paesi par campà è travaglià libari, hè di custituiscia un alternativa à l’assughjittimu è à a dipendenza.Pochi mumenti fà, avemi mustratu chì a paradossalità di a situazioni hè chì a Corsica hà un parcentuali di puvertà supariori à quidda francesa è à tempu i nostri paisani usani di menu l’aiuti suciali.

Emi à tempu prupostu dinò d’amindà e d’adattà a « leggi pienu impiegu ».

Al di là, a Culletività t’hà quantunqua certi pussibilità par luttà contr’a puvertà di i ziteddi è di i ghjovani, di metta in ballu una strategia di privinzioni è di prutezzioni di a ghjuventù è di a zitiddina.

Sapemu chì assai dispusitivi asistani, ma sò piuttostu puntuali è in urgenza è fatti pà contrabilancià sta fragilità di a nostra sucità, u niveddu di campà di i nostri paisani, è quasgi sempri stampati annant’à u mudellu di l’altri rughjoni francesi.

Par no hè nicissaria una riflissioni è una strategia spicificamenti addattata à a situazioni di a nostra isula.

I studienti ani avutu assai difficultà quist’annu à fassi pagà l’aiuti prumissi. Certi aiuti ùn sò ghjunti cà una sittimina fà. Un si pò cuntinuà à travaglià cusì.

Hè nicissaria a sicurità di l’aiuti è a visioni di l’avvena.

Tinendu contu di u funziunamentu buggetariu è contabili, di l’investimenti fatti è privisti da a Culletività, di i ricetti ricevuti di drittu à a Culletività, è sopratuttu par u parè ch’e vo aveti difesu par via di u vostru prugramma puliticu, vi dumandemi :

Qual’hè a strategia perenna missa in ballu, u prughjettu d’avvena privistu par luttà contr’a puvertà è a pricarità chì tocca a nostra sucità ?

Quali sò i cantieri forti missu in ballu in u quadru di sta strategia, s’edda ci hè ?

Qual’hè a parta vuluntarista à pro di l’ecunumia suciali è sulidaria ind’é stu quadru ?

Qual’hè u vostru parè nant’a pulitica publica paisana chì devi essa custruita par fà la finita incu a puvertà è a pricarità chi crescita di più in più in Corsica ?

À ringrazià vi.