Offres
API
Connexion
Documents similaires
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse - 2026 O1 01
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse -
unknown - Communauté de communes - Centre Corse - QO2025E4049
Document publié le Mercredi 1 janvier 2025
Lien du pdf (unknown - Communauté de communes - Centre Corse - QO2025E4049)
Thèmes du document : Affaires étrangères et coopération, Travail et emploi, Union Européenne,
4TA SESSIONE STRASURDINARIA DI U 2025
24 È 25 DI LUGLIU DI U 2025
4ÈME SESSION EXTRAORDINAIRE DE 2025
24 ET 25 JUILLET 2025
N° 2025/E4/049
Question orale déposée par Mme Véronique PIETRI
au nom du groupe « Core in Fronte »
OBJET : PAR UNA CHJARIFICAZIONI NANT’A L’A.S.E.
Sgiò Prisidenti di l’esecutivu,
I Servizi di l’Aiutu Suciali à a Zitiddina (ASE) ani par scopu di metta in opara azzioni in u quadru di a pulitica di prutizzioni di a zitiddina, par privenzioni, signalamentu di situazioni piriculosi o risichi di piriculu è di prutezzioni.
Si sà chì i dui modi par maiò parti sò l’intarvinzioni in a famiglia è l’aiutu finanziaru, è a siconda tocca à i misuri di piazzamentu fora di a famiglia.
Sti misuri sò di a rispunsabilità di i puteri amministrativi e ghjudiziari. A missioni ingaghja a Dirizzioni di Prumuzioni di a Saluta (DPSPS) è a Dirizzioni di l’Azzioni di Prussimità (DASP).
In Corsica hè u Prisidenti di l’Esecutivu chì hè guaranti di a pulitica publica di a prutizzioni di a ziteddina pà a quali c’hè un insemi di misuri.
Sta prisintazioni fatta, si cunoscini assai prublemi chì in Francia toccani assai ziteddi.
Sti ziteddi, in u quadru di stu schema d’aiutu so cunfruntati à :
- Capacità è cundizioni d’accolta missi à mali
- Fuga è abandonu di a famiglia d’accolta
- Prustituzioni ghjuvanili e usu di droga
Stu sistema hè divintatu incompattibili in cù i dritti fundamintali di i ziteddi.
Voli dì chi i ziteddi piazzati chì duvariani essa prutetti sò lasciati soli soli incù pussibuli cunsiquenzi gravi in a so vita cutidiana, com’à prustituzioni, abusi sessuali in cù usu di prudutti impiditi. È a lista di tutti sti tralasceri o malfatti hè bedda longa. Hè un scandalu statali.
E in Corsica ?
Si sà chì da anni ci so stati mancanzi di mezzi umani è saziatura di capacità d’accolta par i ziteddi. Si sà dinò chì ci sò inchiesti puliziari e ghjudiziari par sparizioni di ziteddi o pà abusi sessuali.
Si parla assai di reti urganizzati di prustituzioni è di droga.
Si sà chì pochi tempi fà, l’ARS hà cummandatu un istudiu nant’à a prustituzioni di i ghjovani chì metti in rilievu una situazioni crìtica da a quali ùn ci voli à metta da cantu u funziunamentu attuali di l’Aiutu Suciali a à zitiddina.
Vi dumandemi dunqua :
- S’è vo ci pudeti dà una prisentazioni pricisa di l’ASE in Corsica, di i so capacità, di i so limiti è di i so prublemi ?
- Ci pudeti dà a rialità di i fatti dilituosi chì pudariani cuncinà l’ASE ?
- Pudeti pricisà s’è ci devi essa un controlu da l’autorità cumpetenti nant’à l’ASE ?
A ringrazià vi.